| Nummer:oub0602 | Datum:11. Okt. 1448 | Overlevering:Editie | Vindplaats:Ostfriesisches Urkundenbuch, I, S. 528, nr. 602 |
Der Rath von Lübeck theilt dem Häuptling Ulrich mit, dass in seinem Interesse nach Bremen geschrieben sei und dass ihm die Antwort Bremens von Hamburg aus werde zugesandt werden.
Deme erbarn duchtigen vorsichtigen manne Olrike to Grietsiil, Brokmerlande, Esenssen, Aureke unde Lengener hovetlinge, unsem guden vrunde.
Post salutationem. Erbare vorsichtige und duchtige gude vrunt. Juwen breff an uns gesand, darinne gy ju swarliken beclagen over Lubben unde Tannen unde de eren, dat se dat groteste punt mit den klenesten, dat in deme sonebreve mit den van Bremen unde van Hamborch unde aller parte anhangenden ingesegelen besegelt up de sone is gemaket, nicht geholden en werde etc., mit ander mer worden hebbe wy gutliken vernomen unde begeren juwer leven weten, dat wy darumme na juwe begerte unde scrivende an de van Bremen in der besten wyse wy mochten drapliken hebben gescreven unde ene utscriffte juwes breves in unseme breve verwaret mede gesant, darinne se juwer clachte meninge clarliken mogen vernomen. Wes se uns nu to antworde scrivende werden, dat mogen unse vrundes van Hamborch openen unde lesen, (unde) se ju dat verder to benalende, dar gy ju denne na mogen weten to richtende, unde war wy ju darinne ok vorderen (to) willen konen bewisen, dar schole gy uns gudwillich unde berede ane vynden. Gode etc. Screven etc. feria sexta post Dyonisii, anno etc. XLVIII.
Post salutationem. Erbare vorsichtige und duchtige gude vrunt. Juwen breff an uns gesand, darinne gy ju swarliken beclagen over Lubben unde Tannen unde de eren, dat se dat groteste punt mit den klenesten, dat in deme sonebreve mit den van Bremen unde van Hamborch unde aller parte anhangenden ingesegelen besegelt up de sone is gemaket, nicht geholden en werde etc., mit ander mer worden hebbe wy gutliken vernomen unde begeren juwer leven weten, dat wy darumme na juwe begerte unde scrivende an de van Bremen in der besten wyse wy mochten drapliken hebben gescreven unde ene utscriffte juwes breves in unseme breve verwaret mede gesant, darinne se juwer clachte meninge clarliken mogen vernomen. Wes se uns nu to antworde scrivende werden, dat mogen unse vrundes van Hamborch openen unde lesen, (unde) se ju dat verder to benalende, dar gy ju denne na mogen weten to richtende, unde war wy ju darinne ok vorderen (to) willen konen bewisen, dar schole gy uns gudwillich unde berede ane vynden. Gode etc. Screven etc. feria sexta post Dyonisii, anno etc. XLVIII.
