Häuptling Wiard von Uphusen zu Oldersum entschädigt das Kl. Langen für allerlei diesem und dem Vorwerke Weerdermönken zugefügten Schaden durch eine Schenkung von Grundstücken.

Ik Wygerd to Uphusen, hovetling to Uldersum, enkenne unde betuge vor allen gueden lueden, de dussen breff seyn eder horen lesen, dat ik myd vorbedachten unde vrygen moedwyllen alle myner erffnamen hebbe gegeven unde gheve dem convente to Langen tve grase tillandes in Hemekenfenne by der borch, unde tve grase mede in Assemeden;[*] so dat dyt erve schal bliven to ewiigen tiiden unbesproken van yemande bii dussen vorscr. convente. Unde diit vorscr. erve hebbe ik Wigerd vorscr. gegeven deme vorscr. convente vor myner unde myner vrunde selen salicheit, unde vor allen unwillen, den diit vorscr. convent unde vorwerke van my unde mynen vrunden geleden hebben. Hiir hebben mede bit an unde over gewesen her Eppe to Borsum, her Enno to Rarichum, kercheren, Heuwo to Borsum unde anders guder lude gnoch, de diit mede anseghen unde hoerden. Des to groter bekantnisse so hebbe ik Wigerd hovetling vorscr. myn secret witliken to dessen breve hethen hangen. In deme jaer unses Heren M^oCCCC^o ver und vifftich, [*] des saterdages na unser Vrouwen dage visitacionis.[*]

x

x

Fonds	Ostfriesisches Urkundenbuch, I
Fol.nr.	S. 579
Nr	663
Olim	Orig.: Kl. Langen Nr. 20. Msc. A. 88. Fol. 42.
Jaar	1453
Datumcode	SpVisMar

x

x

x

Commentaar	Das Siegel ist verloren.

x

Materiaal	papier

x

Edities	E. Friedländer, Ostfriesisches Urkundenbuch I (Emden 1878), nr. 663