| Nummer:oub0698 | Datum:Emden, 5. März 1456 | Overlevering:Editie | Vindplaats:Ostfriesisches Urkundenbuch, I, S. 611, nr. 698 |
Häuptling Ulrich beglaubigt seinen Sekretär Johannes bei dem Rathe zu Lübeck.
Den ersamen vorsichtighen heren borghermestere unde raedmanne der stad Luebeke, unsen sunderlinx gueden vrunden, vruntliken ghescreven.
Recepta XVIIIa Marcii anno L sexto.
Unsen vrundliken grot unde wes wy juwen ersamheiden to willen vormoghen tovorn. Ersamen besunderen gunstigen vrunde. Wii senden wedder an ju Johanssen unsen secretarium up zodan affschedinge, vor Wynachten myd ju van unser bevelinghe ghehath, unde syn van juwen ersamen vorsichticheiden yruntliken begherende, gii eme sines werves, darvan wedder an. ju wervende, gensliken in aller handelinge gheliick unser sulves personen to betruwen unde beloven. Dar doen gii uns danckliken anne, unde willet dat ok umme ju gherne wedder vordenen, war wii moghen. Ok, ersamen heren, dancken wii ju hochlick gueder bewisinghe, de gii em daen hebben, alse he mit ju was, unde willen dat gherne mid den juwen weder vor oghen hebben, war wii kunnen. Juwe ersamheit zii Gode an langhen tiiden gesunt unde ewich zalich bevalen. Screven to Emeden, amme vridaghe vor midvasten, under unsem secreete, anno etc. LVIo.[*]
Olrick to Gretziil, Norden, Emeden, Aurike, Berum, in Oestvreeslande hoefftling.
Recepta XVIIIa Marcii anno L sexto.
Unsen vrundliken grot unde wes wy juwen ersamheiden to willen vormoghen tovorn. Ersamen besunderen gunstigen vrunde. Wii senden wedder an ju Johanssen unsen secretarium up zodan affschedinge, vor Wynachten myd ju van unser bevelinghe ghehath, unde syn van juwen ersamen vorsichticheiden yruntliken begherende, gii eme sines werves, darvan wedder an. ju wervende, gensliken in aller handelinge gheliick unser sulves personen to betruwen unde beloven. Dar doen gii uns danckliken anne, unde willet dat ok umme ju gherne wedder vordenen, war wii moghen. Ok, ersamen heren, dancken wii ju hochlick gueder bewisinghe, de gii em daen hebben, alse he mit ju was, unde willen dat gherne mid den juwen weder vor oghen hebben, war wii kunnen. Juwe ersamheit zii Gode an langhen tiiden gesunt unde ewich zalich bevalen. Screven to Emeden, amme vridaghe vor midvasten, under unsem secreete, anno etc. LVIo.[*]
Olrick to Gretziil, Norden, Emeden, Aurike, Berum, in Oestvreeslande hoefftling.
x
| Fonds | Ostfriesisches Urkundenbuch, I |
|---|---|
| Fol.nr. | S. 611 |
| Nr | 698 |
| Olim | Orig. im Archive zu Lübeck. |
| Jaar | 1456 |
| Datumcode | VaMidvas |
x
| Commentaar | Von dem aufgedrückten Siegel ist nur der untere Theil, ein Stück der Harpyie, zwei Sporenräder und Ulrici capitalis erhalten. |
|---|