Der Abt von Werden belehnt den Grafen Ulrich von Ostfriesland und dessen Gemahlin Theda mit dem Hofe tor Brahe.
Wii Conrad van Gelichen, van Gotz genaden abth der stichte sunte Ludgers to Werden und Helmestidde, [*] doen kunt und kennen overmytz dissem breffe vor uns und unse nakomelinge und vor alsweme, dat wii hebben belent und belenen in macht disses breffes den eddeln Olricke, greven van Oistvreyslant, [*] unsen leven neven, Tedan, [*] grevynne van Ostvreyslant, syne werden frouwen, und oren rechten erffgenamen, myt unsen und unses stichtes leenguden, genant de hoff to Brae, myt alle syner thobehoringe, olden und nien wonheyden, in aller mathe, alss selige Uke, der genompt Tedan grevynnen vader, den van unsen vorfaren to lene hadde. Disser genanten guder myt oren thobehoringen willen wy den genanten greven Olricke und syner frowen, oren rechten erffgenamen als vorgescreven iss, eyn recht kennych here und were wesen nach alle unser macht uut[*] aller malken, wur und wanne one des noit iss, und dat van uns eeschen, doch beheltnisse uns und unsen stichten unses rechten daranne. Hiir up hefft uns de vorgenompde unse leve neve, greve Olrick, geloiffte gedan, uns und unsen stichten truwe und holt to synde, als gewontlick iss. Desses to orkunde hebben wy unser abdien segell an diesen breff don hangen. In den jaren unses Heren dusent veirhundert, darna in deme veir unde sestigesten jare, up dinsdach na Sixti.[*]
x
| Fonds |
Ostfriesisches Urkundenbuch, I |
| Fol.nr. |
S. 696 |
| Nr |
804 |
| Olim |
Orig. (a.) und gleichzeit. Abschrift (b.): Grosse Urkundensammlung Nr. 9. |
| Jaar |
1464 |
| Datumcode |
MpSixti |
x
| Edities |
E. Friedländer, Ostfriesisches Urkundenbuch I (Emden 1878), nr. 804 |
