| Nummer:oub0854 | Datum:10. Okt. 1467 | Overlevering:Editie | Vindplaats:Ostfriesisches Urkundenbuch, I, S. 741, nr. 854 |
Der Abt von Werden schreibt an Gräfin Theda wegen der Eingriffe Roleffs von Langen in das Recht an. dem Lehngute Brahe und fordert sie auf, das Heergewette daraus, das ihm nach dem Tode Graf Ulrichs zustehe, zu entrichten, worauf ihr der Lehnbrief für ihren Sohn Uko vom Offizial zu Münster eingehändigt werden würde.
Der edeller ind walgebornen Teden, greve Oelrikes saligen nagelaten wedue, in Oestvreislant grevynne, onser leven nychten.
Edele ind waelgeborne leyve nichte. Wy hebn waell verstanden, soe woe sich Roleff van Langen underwyndet eyn deil gueder, horende in den hoff to Brae, den uwe huyshere salige van uns to leen hadde. Soe hebn wy Rolove vurscr. dey gueder vurscr. doin verbeyden ind alsulkes doin schryven afftoestellen, ind wy hebn alsolken leenbreyff, dair wy Uken uwen leyveden sone myt dem vurscr. hoeve to Brae ynne belent hebn, gesant ind gestalt in hant meyster Berndes, des officialis to Moenster. Is nu unse begerde, dat uwe leyveden wyllen vervoegen ind doin bestellen, assodane hergewede ind recht, uns van dodes wegen uwes huysheren salige van des hoves wegen vurscr. anervallen ys, ouch gestalt werde in des vurscr. officialis hant, dayr uwe leyveden assdan den beleenbreyff an gesynnende moegen werden, de uwer leyveden asdan overreyken sall. Deyselve uwe leyvede Got bewaren moete to langen tyden vrolich ind gesont. Geschreven onder onssen secret, ipso die Gereonis et Victoris martirum.
Conrait van Gelichen, van Gotz gnaden abt der gestichte Werden ind Helmsteden.
Edele ind waelgeborne leyve nichte. Wy hebn waell verstanden, soe woe sich Roleff van Langen underwyndet eyn deil gueder, horende in den hoff to Brae, den uwe huyshere salige van uns to leen hadde. Soe hebn wy Rolove vurscr. dey gueder vurscr. doin verbeyden ind alsulkes doin schryven afftoestellen, ind wy hebn alsolken leenbreyff, dair wy Uken uwen leyveden sone myt dem vurscr. hoeve to Brae ynne belent hebn, gesant ind gestalt in hant meyster Berndes, des officialis to Moenster. Is nu unse begerde, dat uwe leyveden wyllen vervoegen ind doin bestellen, assodane hergewede ind recht, uns van dodes wegen uwes huysheren salige van des hoves wegen vurscr. anervallen ys, ouch gestalt werde in des vurscr. officialis hant, dayr uwe leyveden assdan den beleenbreyff an gesynnende moegen werden, de uwer leyveden asdan overreyken sall. Deyselve uwe leyvede Got bewaren moete to langen tyden vrolich ind gesont. Geschreven onder onssen secret, ipso die Gereonis et Victoris martirum.
Conrait van Gelichen, van Gotz gnaden abt der gestichte Werden ind Helmsteden.
