Die Eheleute Claus und Mette van Dute bekunden 3 Urkunden und 2 Transfixe über das Haus der Kaufleute zu Emden, welches der Propst Joh. Vredewold ihnen verkauft hat, erhalten zu haben, und versprechen ihm diese Dokumente auszuhändigen.
Wy Clawes van Dute ende Mette, echte luden, bekennen ende betughen in dussen openem breve, wo dat wy hebben entfanghen dre breve myt twen transfixis, de ene besegelt myt heren Ennen segel, kercheren to Hinte, greve Olrikes ende borgermesters in Emden, de ander myt olde Ymelen, Ewe to Westerhusen ende des amptes segel van den Jacopinen in Groninghen, de derde van Remborch salighen Heren dochter besegelt myt vyff segelen, inholden van der heerkumst der kopludehues, wo dat myt rechte ghekomen is an den erwerdighen heren mester Johanne Vredewolt, provest to Emden etc., welker hues he uns nu vortan heft vorkoft. Welker breve vorg. wy off unse erfgenamen eme off synen erfghenamen weder sollen overleveren, syck darmede to bescermen, of se van den huse off werve werden anghesproken; ende weer, dat wy em dusse breve nicht wederleverden, drofte he uns vorder nicht waren. In orkunde der warheyt hebbe ik Clawes vorgenant, went ick sulven nyn segel vore, ghebeden den erwerdighen heren Johanne Ludeman, mynen oem, kercheren to Emden, ende borghermesters to Emden onssen breff to besegelen; ende wy borgermesters ende Johannes vorg. umme bede wyllen Clawes vorg. hebben doen hanghen unse segel ens (!) spacium dusses breves. Int jar unses Heren dusent veerhundert een ende seventich, up den dach Stephani prothomartiris. [*]
x
| Edities |
E. Friedländer, Ostfriesisches Urkundenbuch II (Emden 1881), nr. 900 |
