Die Erben des Haynck Aldersen verkaufen der Gräfin Theda von Ostfriesland dessen Güter im Amt Emden.

Ayelt, Hayngk Aldersen sone, to Norden, Foelkelt nalatene wedewe salighen Jebbens to Lynthel, unde Luve, waendages huesfrowe saligen Wyltedes Haynges sone vorg., Tade Eggena dochter beyde, verkaufen der Gräfin Theda von Ostfriesland alle dat erve unde land, dat salige Hayngk Aldersen vorscr. hadde lyggende in Emeder, Immengher unde Westerhuser hamryken, dat de erwerdighe mester Dodo in voertyden eme hadde vorkofft, des dyt erve unde land is liggende to den ersten: In Emeder hamryke, item in den Dykesloech viff grase, item vier grase in der heren Ettnighe, item vierdehalf gras myd den hilgen erve in den Dykesloech. Item achte grase in Haynghewolde by den maer und dre grase, noch twe grase by den nygen maer in Emeder hamryke, offt de twe grase anders myd rechten mogen volgen, unde de hevet in besitt Remet Reertssena. Item in Immenger hamryke vifftehalf gras inna Herstum, item dre grase mangh Tamme Awens erve. Item in Westerhuser hamryke vierteyndehalff gras by der heren teyn grasen. Item elven grase by Albernsweer by den 9 grasen, de de heren plegen to hebben. Item neghen grase in den Dykesloech. Item twe grase in Ellynghe hoeck by Westerhusen; welck vorscr. erve unde land salige Wyltet Jebbe gebroeder unde Ayelt vorscr. hadden in besitte unde erer weer unde gedeelt. [*] ... Hyr weren mede in dessen koepe unde by de erwerdighe her Bernd abbet in sunte Mariendale, mester Dodo unde de erberen broeder Eltet supprior unde broeder Udo lezenmeyster, her Feyke, her Roetgher, her Atteke, her Teleman, medekerckhern to Norden, Hero Maurizes to Dornum, Ulbet voget to Norden, Tade Egghena, Merkel Enghena, Haye syn sone, Manne Eerkena, Junghe Tyarck, Onno Goltsmet unde Ulryck Harynghe. Unde desses to merer ghetuechnisse unde oerkunde witliker waerheyt hebben wy Ayelt, Foelkelt unde Luve vorg. ghebeden offte doen bydden de erwerdigen abt unde den prior to Norden unde mester Dooden vorscr. umme ere ingesegele, unde hern Feyken, hern Roetghere, hern Atteken unde hern Teelmanne umme erer ghemenen kerckhern ingesegel to hangende an desen breff voir uns, want wy gheen en brueken. Wy Bernardus abt vorscr., magister Dodo sacre theologie professor, Everhardus prior enkennen openbair dat wy ... unse ingesegele, unde wy Feyko, Roetgherus, Atteko, Telemannus kerckhern vorg. unse ghemene kerckhern ingezegel hebben witlyken ghehangen an dessen breeff. Ghegeven to Norden anno Domini millesimo quadringentesimo septuagesimo secundo, in secunda feria prius dominicam Misericordia(s) Domini.

x

x

Fonds	Ostfriesisches Urkundenbuch, II
Fol.nr.	S. 8
Nr	906
Olim	Original Perg. Grosse Urkundensammlung Nr. 93.
Jaar	1472
Datumcode	LaMisDom

x

x

x

Commentaar	Von den früher vorhandenen vier Siegeln sind noch 2 erhalten: 1. spitzoval: in gothischer Nische ein Abt mit dem Stabe. Sigillum abbatis vallis beate Marie in Norda. 2. rund, in rothem Wachse: ein Pelikan, der seine Jungen mit seinem Herzblute tränkt. Sigillum magistri Dodonis dect. theol.

x

Materiaal	papier

x

Edities	E. Friedländer, Ostfriesisches Urkundenbuch II (Emden 1881), nr. 906