Das Kloster Termünten verkauft der (Grossen) Kirche zu Emden das von dem früheren Küster zu Emden, Dirk Symonson, gebaute und bewohnte Haus für 40 Rh. Gulden.
Wy Theodericus abt, Hinricus prior, Hermannus supprior ende ghemene conventeslude des cloesters ter Munten bekennen ende belyen myt denen teghenwoerdighen breve, dat wy mit gueden wyllen ende myt voerberaeden moede ende vulbort ende consent meyster Dyrickes Symonsen, wandaeghes ende voermaels koster toe Eemden, hebben verkocht, opghedraghen ende overghegheven, draghen op ende gheven over voer ons ende onse naekoemelingen, den voerstenders der kercken to Eemden, meyster Dyrikes hues, opt noertoesten naest der kercken toe Eemden geleghen, als meyster Dyricke voerscr, voertydes dat getymmert ende bewoent heeft, ende wy van meyster Dyrike voerbenoemt voer ene conventesproevente ontfangen hebben, voer ene summe gheldes als van viertich guede gholdene Rynsche gulden, dewelke ons ende onsen convente vul ende all ende wall betaelt zynt de eerste penninck myt den lesten, vry ende qwyt eweliken ende arfliken toe brueken, to verkoepen ende hoeren vryen wyllen daermede to doen sonder all arghelist. Dat oerkunden wy myt onsen ende onses conventes zeghell, byneden an dessen brieff ghehanghen. Int jaer ons Heren duesent vierhondert ende vier ent soventich, des daeghes nae sunte Valentyn martilerss.
x
| Edities |
E. Friedländer, Ostfriesisches Urkundenbuch II (Emden 1881), nr. 928 |
