| Nummer:oub0977 | Datum:4. Sept. 1476 | Overlevering:Editie | Vindplaats:Ostfriesisches Urkundenbuch, II, S. 76, nr. 977 |
Der Häuptling Edo Wiemken von Jever übernimmt das ihm von Bremen angebotene Amt eines Friedensvermittlers zwischen Hamburg sind den Kindern Alko's von Inhausen.
Consulibus civitatis Bremensis.
Ede Wimmeken to Jever etc. hovetlingh.
Post salutationem. Ersamen geleven frundes. So alse gij den werdigen heren Johanne Graven mit juwer credencien an my gesand unde nu kortes ok gescreven hedden, begerden van my, ik dat wolde vorarbeiden, dat sodane unwille unde gebreke, wesende twisschen den ersamen van Hamborg unde seligen Alken kindere, mochte begrepen werden in eyn gud bestand unde vrede etc., des, leven frundes, so hebbe ik my umme des besten gelimpes willen deshalven bekummerde na underrichtinge hern Johane Greven unde juwer scrift, so dat ik sodanen unwillen unde gebreke hebbe up my genomen van Iken hovetlinges to Kripenzee unde seligen Alken kindere wegen, dat gudliken unde vredeliken to bestande, alse nu Michaelis erstkomende anstande, denne vort durende to den dreen jaren negestvolgende. Hirup, mogen de ersamen van Hamborg hir schicken eren vredebreff in geliker wise, wil ik en enen wedderumme senden. Woranne ik juw furder mochte to denste sin, do ik mit vlite gerne; bevele juw Gode deme Heren.
Screven under mynem ingesegel, des midwekens na Egidii, anno etc. LXXVIo.
Ede Wimmeken to Jever etc. hovetlingh.
Post salutationem. Ersamen geleven frundes. So alse gij den werdigen heren Johanne Graven mit juwer credencien an my gesand unde nu kortes ok gescreven hedden, begerden van my, ik dat wolde vorarbeiden, dat sodane unwille unde gebreke, wesende twisschen den ersamen van Hamborg unde seligen Alken kindere, mochte begrepen werden in eyn gud bestand unde vrede etc., des, leven frundes, so hebbe ik my umme des besten gelimpes willen deshalven bekummerde na underrichtinge hern Johane Greven unde juwer scrift, so dat ik sodanen unwillen unde gebreke hebbe up my genomen van Iken hovetlinges to Kripenzee unde seligen Alken kindere wegen, dat gudliken unde vredeliken to bestande, alse nu Michaelis erstkomende anstande, denne vort durende to den dreen jaren negestvolgende. Hirup, mogen de ersamen van Hamborg hir schicken eren vredebreff in geliker wise, wil ik en enen wedderumme senden. Woranne ik juw furder mochte to denste sin, do ik mit vlite gerne; bevele juw Gode deme Heren.
Screven under mynem ingesegel, des midwekens na Egidii, anno etc. LXXVIo.
