| Nummer:oub1009 | Datum:17. Sept. 1478 | Overlevering:Editie | Vindplaats:Ostfriesisches Urkundenbuch, II, S. 100, nr. 1009 |
Häuptling Edo Wiemken antwortet der Stadt Brennen auf ihr Interzessionsschreiben für das dem Adrian Reygersone genommene Schiff abschlägig, da er dessen, als eines Holländers, erklärter Feind sei, und lehnt auch hinsichtlich des Bremer Bürgers Heinrich v. Rene die Fürsprache ab.
Den ersamen unde wijsen borgermesteren unde rad der stad Bremen, synen bijsunderen guden vrunden, vrundliken gescreven.
Minen vrundlyken gruth thovoren. Ersamen bijsunderen guden vrundes. So alse gij my gescreven hebben van des schepes unde den ynhebbenden guderen wegene, dat yck Adriane Reygersone hebbe upghenomen, under anderen worden, hebbe yck gudlijken an my ghenomen; went denne, guden vrundes, so myne vorvaren unde olderen, de van Holland unde ore thostenderen hebben rijchtlyken umme ansprake, recht unde thosaghe ghehatet unde gheneidet, so yck nu na on do umme dessulven rechtes unde anklaghe wijllen, unde vormene de genanten van Holland tho hatende unde veydende beth so langhe my van on wandel, recht edder vrundschop yrvaren ys; unde vormene yck yuwer leve edder nemende dartho kort an ghedan hebbe yck dat schyp myt synen ynhebbenden guderen an myn beholt, alsee vyande gud, unde mynen openbaren vyanden hebbe entweldyghet, unde vorsee my ock gij my yn dessen myner rechtverdijghen saken nergenmede entyegen syn, men byval dos, so eyn etlijck deme rechten yo byvallen schal, unde yck ock de yuwe yn den besten vorfordere, dat dat yn myner macht ys, so gij lijchte wol dachlijkes yrvaren. Vortmer alsee gij denne voren an yuweme breve van yuweme borgere Hinrike van Rene, so mochte Hinrick darup wol vorseen wesen, dat he kofte vry unde myner vyande gudere nycht, dar yck furder nycht dencke vor tho antwordende. Gode deme Heren syd bevalen. Gescreven under myneme ingesegele, an deme hijlgen beati Lamberti (!), anno etc. LXXo octavo.
Ede Wymmyken tho Jevere etc. hovetling.
Minen vrundlyken gruth thovoren. Ersamen bijsunderen guden vrundes. So alse gij my gescreven hebben van des schepes unde den ynhebbenden guderen wegene, dat yck Adriane Reygersone hebbe upghenomen, under anderen worden, hebbe yck gudlijken an my ghenomen; went denne, guden vrundes, so myne vorvaren unde olderen, de van Holland unde ore thostenderen hebben rijchtlyken umme ansprake, recht unde thosaghe ghehatet unde gheneidet, so yck nu na on do umme dessulven rechtes unde anklaghe wijllen, unde vormene de genanten van Holland tho hatende unde veydende beth so langhe my van on wandel, recht edder vrundschop yrvaren ys; unde vormene yck yuwer leve edder nemende dartho kort an ghedan hebbe yck dat schyp myt synen ynhebbenden guderen an myn beholt, alsee vyande gud, unde mynen openbaren vyanden hebbe entweldyghet, unde vorsee my ock gij my yn dessen myner rechtverdijghen saken nergenmede entyegen syn, men byval dos, so eyn etlijck deme rechten yo byvallen schal, unde yck ock de yuwe yn den besten vorfordere, dat dat yn myner macht ys, so gij lijchte wol dachlijkes yrvaren. Vortmer alsee gij denne voren an yuweme breve van yuweme borgere Hinrike van Rene, so mochte Hinrick darup wol vorseen wesen, dat he kofte vry unde myner vyande gudere nycht, dar yck furder nycht dencke vor tho antwordende. Gode deme Heren syd bevalen. Gescreven under myneme ingesegele, an deme hijlgen beati Lamberti (!), anno etc. LXXo octavo.
Ede Wymmyken tho Jevere etc. hovetling.
