| Nummer:oub1052 | Datum:11. Febr. 1481 | Overlevering:Editie | Vindplaats:Ostfriesisches Urkundenbuch, II, S. 138, nr. 1052 |
Edo Wienken schreibt den zu Lübeck versammelten Rathssendeboten der Wendischen Städte und Lübecks in der Angelegenheit der weggenommenen neutralen Waaren.
Den ersamen voersenighen unde beschedenen radessendebaden der Wendeschen stede nu tor tyd to Lubeke to dage vorgaddert unde dem rade darsulvest mynen guden frunden fruntliken screven, detur.
Recepta XXIIII mensis Februarii, anno etc. LXXXIo.
Mynen fruntliken groet mit begheringe alles guden tovoren. Ersamen voersichtighen unde beschedenen guden frunde. Juwen breeff an mij gesanth hebbe ick alles inholdes to guder mathen wol vorstaen; int eerste rorende, wo ick in mynen antworden der anhalinghe unde beschedinge den juwen van den mynen bescheen, geroret hadde van warschuwinghe, de ick an juw frunde van Lubeke unde Hamborch gedaen hebbe, dess ze juw myne scrifften voergeholden unde gelesen hebben laten, de denne claerlyken vormelden, dat ick anders nymande den myn apenbair vyande dachte to beschadigende etc.; suss isset ock in der warheyt, ick ock an dezulften van Lubeke unde Hamborch gescreven hebbe, begerende se oren borger, kopman unde schippere wolden warnen, de nene menghinghe orer guder mit den Hollanderen mynen vyanden tor see makeden, noch uppe ere bodeme schepeden, wente wor ick sodan averqweme, dachte ick my by to holdende gelyck mynen vyanden etc.; dess ick mij denne wol vormeenet hadde, see deme koepmanne unde schipper wol vorwitlyket unde waerschuwet hadden, so als doch de stapel van kopenschop der Oesterschen stede intgemene bynnen Lubeke unde Hamborch iss; als gij vurder scryven nach mynem begeere in mynen voerscriften ame nylickesten juwe borgher, koplude unde schippere mit eernste willen waerschuwen, de nene menghinge mit der Hollander gudere maken noch upp ore bodeme schepen, dat gij dem kopman to Brugge van der Duetschen Hanze residerende, alzo ock to vorscryvende gedencken mit dem eersten etc., in deme so gescheen mach, wil ick my bij den Oesterschen guderen, de by my beholden syn, geboerlyken hebben, als ick in mynen voerscriften ock geroret hebbe ame nyllickesten an juw gedaen, sonder sodaen guder als vorkomen gebutet unde gepartet syn, staen mij nicht wol weder to richtende. Als gy vurder roren, wo gij mij to leeffmode unde to willen mercklyken an de stede van Hollanth der sake halven gescreven hebben, in meninghe men deshalven to Bremen, Hamborch eder Stade, dar my ock wol stunde to komende, to enem fruntlyken dage mochte komen, dedd ick juw hochlyken bedancke, unde na juwen guden rade schal my sodane wol beleven, nachdeme gij dath vor dath beste irkennen. Als gij vurder roren wan sodan fruntliken dach van uns beyden parthen angenomen worde to holdende, denne moste ick mij der anhalinghe unde vurder beschedinghe uppe ze to doende ontholden tor tyt de dach vorby weer etc., wan my sodans van juw vorwitlyket wart, de vorgescreven Hollandere annemen eynen fruntlyken dach tegen mij to holdende bynnen sodanen tyden, als gij in juwen scriften geroret hebben, nomptlyken tusschen Pinxsten unde Paesschen naestkomende, unde ock uppe gelechlyken steden, dar ick mit mynen frunden kamen mach, denne wil ick my aller anhalinghe unde beschedinghe upp se to doende ghenslyken ontholden, hen tor tijt sodan dach voerby unde gheholden iss. So gij vurder begheren to wetende, uppe watte tyt de kopman syne vulmechtighen bij mij schicken moghe sodaen gudere weder to ontfanghende, duss synt bij mij beholden 6 tarlinghe wandes, alz ick merken konde uth den breven, de bij den guderen weren, de in de Oesterschen stede to hues hoeren, watte marke uppe den tarlinghen stan, werde gij wol seende in desser ingelechten cedulen;[*] sodaen guder wil ick juw to willen geerne wedergeven; waner wedersdage ankomen, dath men de gudere van der stede bringhen kan, mach de kopman syne vulmechtighen bij mij schicken, de gudere to ontfangende. Woran ick juw vurder in allen gelimplyken zaken mach to willen syn, schole gij my alltyt guetwillich vynden, kennet God almachtich, de juw allen samptlyken unde bysunderen spare unde vriste to langen tyden in guder wolmacht. Screven under mynem singnette, ame sondage vor Valentini, anno Domini etc. LXXXIo.
Ede Wymeken, tho Jever etc. hovetlinck.
Recepta XXIIII mensis Februarii, anno etc. LXXXIo.
Mynen fruntliken groet mit begheringe alles guden tovoren. Ersamen voersichtighen unde beschedenen guden frunde. Juwen breeff an mij gesanth hebbe ick alles inholdes to guder mathen wol vorstaen; int eerste rorende, wo ick in mynen antworden der anhalinghe unde beschedinge den juwen van den mynen bescheen, geroret hadde van warschuwinghe, de ick an juw frunde van Lubeke unde Hamborch gedaen hebbe, dess ze juw myne scrifften voergeholden unde gelesen hebben laten, de denne claerlyken vormelden, dat ick anders nymande den myn apenbair vyande dachte to beschadigende etc.; suss isset ock in der warheyt, ick ock an dezulften van Lubeke unde Hamborch gescreven hebbe, begerende se oren borger, kopman unde schippere wolden warnen, de nene menghinghe orer guder mit den Hollanderen mynen vyanden tor see makeden, noch uppe ere bodeme schepeden, wente wor ick sodan averqweme, dachte ick my by to holdende gelyck mynen vyanden etc.; dess ick mij denne wol vormeenet hadde, see deme koepmanne unde schipper wol vorwitlyket unde waerschuwet hadden, so als doch de stapel van kopenschop der Oesterschen stede intgemene bynnen Lubeke unde Hamborch iss; als gij vurder scryven nach mynem begeere in mynen voerscriften ame nylickesten juwe borgher, koplude unde schippere mit eernste willen waerschuwen, de nene menghinge mit der Hollander gudere maken noch upp ore bodeme schepen, dat gij dem kopman to Brugge van der Duetschen Hanze residerende, alzo ock to vorscryvende gedencken mit dem eersten etc., in deme so gescheen mach, wil ick my bij den Oesterschen guderen, de by my beholden syn, geboerlyken hebben, als ick in mynen voerscriften ock geroret hebbe ame nyllickesten an juw gedaen, sonder sodaen guder als vorkomen gebutet unde gepartet syn, staen mij nicht wol weder to richtende. Als gy vurder roren, wo gij mij to leeffmode unde to willen mercklyken an de stede van Hollanth der sake halven gescreven hebben, in meninghe men deshalven to Bremen, Hamborch eder Stade, dar my ock wol stunde to komende, to enem fruntlyken dage mochte komen, dedd ick juw hochlyken bedancke, unde na juwen guden rade schal my sodane wol beleven, nachdeme gij dath vor dath beste irkennen. Als gij vurder roren wan sodan fruntliken dach van uns beyden parthen angenomen worde to holdende, denne moste ick mij der anhalinghe unde vurder beschedinghe uppe ze to doende ontholden tor tyt de dach vorby weer etc., wan my sodans van juw vorwitlyket wart, de vorgescreven Hollandere annemen eynen fruntlyken dach tegen mij to holdende bynnen sodanen tyden, als gij in juwen scriften geroret hebben, nomptlyken tusschen Pinxsten unde Paesschen naestkomende, unde ock uppe gelechlyken steden, dar ick mit mynen frunden kamen mach, denne wil ick my aller anhalinghe unde beschedinghe upp se to doende ghenslyken ontholden, hen tor tijt sodan dach voerby unde gheholden iss. So gij vurder begheren to wetende, uppe watte tyt de kopman syne vulmechtighen bij mij schicken moghe sodaen gudere weder to ontfanghende, duss synt bij mij beholden 6 tarlinghe wandes, alz ick merken konde uth den breven, de bij den guderen weren, de in de Oesterschen stede to hues hoeren, watte marke uppe den tarlinghen stan, werde gij wol seende in desser ingelechten cedulen;[*] sodaen guder wil ick juw to willen geerne wedergeven; waner wedersdage ankomen, dath men de gudere van der stede bringhen kan, mach de kopman syne vulmechtighen bij mij schicken, de gudere to ontfangende. Woran ick juw vurder in allen gelimplyken zaken mach to willen syn, schole gij my alltyt guetwillich vynden, kennet God almachtich, de juw allen samptlyken unde bysunderen spare unde vriste to langen tyden in guder wolmacht. Screven under mynem singnette, ame sondage vor Valentini, anno Domini etc. LXXXIo.
Ede Wymeken, tho Jever etc. hovetlinck.
