| Nummer:oub1061 | Datum:6. Juni 1481 | Overlevering:Editie | Vindplaats:Ostfriesisches Urkundenbuch, II, S. 150, nr. 1061 |
An Ede Wymeken.
Raidessendeboden etc.
Duchtige gude frundt. Uns is bigekomen, dat junge Dure uppe Sibesborch eyn huus hebbe upgerichtet unde dat weder to vestende gedencke, welck wy vormercken villichte mit jener tolatinge unde vulborde bescheen mach; unde want das mannichvoldiger anhalinge up den unschuldigen kopman gedaen, sodanes vortiides vornichtiget is, daruth wy uns befruchten, sodane anhalinge, alse id wedder gevestiget worde, mannigen unschuldigen kopmanne in tokomenden tyden darvan noch bescheen mochte, dat wy ungerne gestaden noch sehen solden; worumme begere wy van juw gutlick, gy id vorfogen, sodane vestinge unde bouwinge nablive, unde jungen Duren noch andersweme mit totale unde vulborde, sodanes nicht gestaden, up uns unde meher luden nicht sy van noiden deme entegen to komende, mer onwillen derhalvan entstaen mochte to vormidene. Want wo deme so yo nicht bescheen mochte, stunde uns unde meher luden darmede swarlick to geduldende. Begeren dess juwe unvortogerde tovorlatige bescreven antwordt by dessen unsen boden, darna sick sy to richtende. Gode bevolen. Screven under unser drier ingesegel, der wy hirtho samptliken gebruken, ame midweken na deme sondage Exaudi, anno etc. LXXXIo.
Raidessendeboden etc.
Duchtige gude frundt. Uns is bigekomen, dat junge Dure uppe Sibesborch eyn huus hebbe upgerichtet unde dat weder to vestende gedencke, welck wy vormercken villichte mit jener tolatinge unde vulborde bescheen mach; unde want das mannichvoldiger anhalinge up den unschuldigen kopman gedaen, sodanes vortiides vornichtiget is, daruth wy uns befruchten, sodane anhalinge, alse id wedder gevestiget worde, mannigen unschuldigen kopmanne in tokomenden tyden darvan noch bescheen mochte, dat wy ungerne gestaden noch sehen solden; worumme begere wy van juw gutlick, gy id vorfogen, sodane vestinge unde bouwinge nablive, unde jungen Duren noch andersweme mit totale unde vulborde, sodanes nicht gestaden, up uns unde meher luden nicht sy van noiden deme entegen to komende, mer onwillen derhalvan entstaen mochte to vormidene. Want wo deme so yo nicht bescheen mochte, stunde uns unde meher luden darmede swarlick to geduldende. Begeren dess juwe unvortogerde tovorlatige bescreven antwordt by dessen unsen boden, darna sick sy to richtende. Gode bevolen. Screven under unser drier ingesegel, der wy hirtho samptliken gebruken, ame midweken na deme sondage Exaudi, anno etc. LXXXIo.
