| Nummer:oub1064 | Datum:15. Juni 1481 | Overlevering:Editie | Vindplaats:Ostfriesisches Urkundenbuch, II, S. 153, nr. 1064 |
Edo Wiemken lehnt die ihm (in der vorigen Nummer oub1063) gemachten Zumnthungen ab, da er oft genug gewarnt habe, die neutralen Waaren nicht mit denen seiner Feinde, der Holländer, zusammen zu verpacken etc.
Deme rade tho Bremen.
Ede Wymeken, tho Jever etc. hovetling.
Ersamen guden frundes. Alse de ersamen radessendeboden der van Lubeke unde Hansborch juw gescreven hebben, wo ich deme unschuldigen copmanne thegen God unde recht unvorschuldes unde unentsecht gewalteliken nemen unde anhalen laten hebbe durtheyn tarlinghe lakens myt en tho Lubeke unde in anderen steden der Hanse tho hus horende, des gy my ware aveschrifft eres breves in den juwen vorsloten gesant hebben myt meren inholde juwes breves etc., suss, ersamen guden frundes, schriven de vorbenompten stede deshalven oren mothwillen over my, wante ick wer dan tho eneme male an se gescreven hebbe van en begerende, se eren copman unde schipper wolden warschuwen de mit den Hollanderen mynen opembaren vianden nene vorhandelinge tor see makeden, noch up ere bodeme schippeden, wante war ih sodane overqweme dechte ich my bi to haldende gelick mynen vyanden. Boven dat hebbe ick den ergemelten steden to willen myne sake mit den genanten Hollanderen tho ener benompten tyt fruntliken anstan laten, so dat se bynnen den tyden eren copman wol mochten warschuwet hebben; na den tyden hebbe ich myner vyande schepe unde gud genomen; offt denne somyge guder darmede vormenget weren, vormene ick my myne ere genoch darane vorwaret hebbe unde des ock nicht plegende sy wedder tho richtende, sunder wes ick den velgenompten steden weder gebaden hebbe, is en tho willen unde vruntschop gescheen, deme noch wol vorvolch scheen schal, indeme se sodans tho willen unde vruntschoppen hebben willen; sunder desghennen gebutet unde partheret is, als ick oen mer dan tho eneme male gescreven hebbe, steyt my nicht wedder tho richtende. Gode bevalen. Screven under mynem signete, ame daghe sancti Viti, anno etc. LXXXo primo.
Ede Wymeken, tho Jever etc. hovetling.
Ersamen guden frundes. Alse de ersamen radessendeboden der van Lubeke unde Hansborch juw gescreven hebben, wo ich deme unschuldigen copmanne thegen God unde recht unvorschuldes unde unentsecht gewalteliken nemen unde anhalen laten hebbe durtheyn tarlinghe lakens myt en tho Lubeke unde in anderen steden der Hanse tho hus horende, des gy my ware aveschrifft eres breves in den juwen vorsloten gesant hebben myt meren inholde juwes breves etc., suss, ersamen guden frundes, schriven de vorbenompten stede deshalven oren mothwillen over my, wante ick wer dan tho eneme male an se gescreven hebbe van en begerende, se eren copman unde schipper wolden warschuwen de mit den Hollanderen mynen opembaren vianden nene vorhandelinge tor see makeden, noch up ere bodeme schippeden, wante war ih sodane overqweme dechte ich my bi to haldende gelick mynen vyanden. Boven dat hebbe ick den ergemelten steden to willen myne sake mit den genanten Hollanderen tho ener benompten tyt fruntliken anstan laten, so dat se bynnen den tyden eren copman wol mochten warschuwet hebben; na den tyden hebbe ich myner vyande schepe unde gud genomen; offt denne somyge guder darmede vormenget weren, vormene ick my myne ere genoch darane vorwaret hebbe unde des ock nicht plegende sy wedder tho richtende, sunder wes ick den velgenompten steden weder gebaden hebbe, is en tho willen unde vruntschop gescheen, deme noch wol vorvolch scheen schal, indeme se sodans tho willen unde vruntschoppen hebben willen; sunder desghennen gebutet unde partheret is, als ick oen mer dan tho eneme male gescreven hebbe, steyt my nicht wedder tho richtende. Gode bevalen. Screven under mynem signete, ame daghe sancti Viti, anno etc. LXXXo primo.
