| Nummer:oub1076 | Datum:24. Aug. 1481 | Überlieferung:Editie | Fundstelle:Ostfriesisches Urkundenbuch, II, S. 164, nr. 1076 |
Edo Wiemken an Lübeck in der Angelegenheit der weggenommenen neutralen Tuchballen.
Den ersamen unde vorsichtighen borgermesteren unde raidtmannen der stad Lubeke, mynen guden frunden fruntliken screven.
Recepta prima die mensis Septembris, anno LXXXIo, in Ede Wymeken sake.
Ersamen unde vorsichtighen guden frunde. Alz gy begeren in juwen seriften nu ame nylickesten an my gedaen, ick deme kopmanne van der Hanse sodan 6 tarlinge lakens, by mij beholden, wille wedergeven, unde umb de anderen 7, de gebutet unde gepartet syn, wille setten to irkantnisse der ersamen reder der stede Bremen, Lunenborch unde Stade sampt eder bisunderen etc., suss, ersamen guden frunde, alz ick meer den to enem male an juw gesereven hebbe, ick juw unde deme kopmanne to willen unde fruntschoppen sodan vorgerorde 6 tarlinghe lakens gerne wedergeven wille, sunder dessghenne gebutet unde gepartet iss steyt my nicht weder to richtende, dem ick noch mynen voirscriften gerne wil vuldoen, indem der sake halven vurder scrifte clage unde tosage genslyken moghen affgestellet werden unde mij deshalven juwen vorsegelden breeff unde quytancien senden na derzulften wyse unde by denzulften breven unde instrumenten, alz juw borger unde koplude bij my gesand hadden vor juw unde juwer tostendere, den wil ick juw unde dem kopmanne to willen sodan vorgerorde 6 tarlinghe lakens gerne in juw beholt beschicken helpen; mochte ick juwer ersamheit na mynem vormoge in meirren to willen syn, dede ick altyt gerne, kennet God almachtich, de juw ersamheyt samptlyken unde bisunderen in guder wolmacht spare to langen tyden. Screven under mynem singnette, ame dage Bartholomei, anno etc. LXXXo primo.
Ede Wymeken, tho Jever etc. hovetling.
Recepta prima die mensis Septembris, anno LXXXIo, in Ede Wymeken sake.
Ersamen unde vorsichtighen guden frunde. Alz gy begeren in juwen seriften nu ame nylickesten an my gedaen, ick deme kopmanne van der Hanse sodan 6 tarlinge lakens, by mij beholden, wille wedergeven, unde umb de anderen 7, de gebutet unde gepartet syn, wille setten to irkantnisse der ersamen reder der stede Bremen, Lunenborch unde Stade sampt eder bisunderen etc., suss, ersamen guden frunde, alz ick meer den to enem male an juw gesereven hebbe, ick juw unde deme kopmanne to willen unde fruntschoppen sodan vorgerorde 6 tarlinghe lakens gerne wedergeven wille, sunder dessghenne gebutet unde gepartet iss steyt my nicht weder to richtende, dem ick noch mynen voirscriften gerne wil vuldoen, indem der sake halven vurder scrifte clage unde tosage genslyken moghen affgestellet werden unde mij deshalven juwen vorsegelden breeff unde quytancien senden na derzulften wyse unde by denzulften breven unde instrumenten, alz juw borger unde koplude bij my gesand hadden vor juw unde juwer tostendere, den wil ick juw unde dem kopmanne to willen sodan vorgerorde 6 tarlinghe lakens gerne in juw beholt beschicken helpen; mochte ick juwer ersamheit na mynem vormoge in meirren to willen syn, dede ick altyt gerne, kennet God almachtich, de juw ersamheyt samptlyken unde bisunderen in guder wolmacht spare to langen tyden. Screven under mynem singnette, ame dage Bartholomei, anno etc. LXXXo primo.
Ede Wymeken, tho Jever etc. hovetling.
