Graf Enno ersucht die Bürgermeister von Emden, den Boten des Grafen Otto von Hoya, dem er gestattet habe, eine Quantität Getreide durch Ostfriesland zu führen, nach Entrichtung des Stadtzolles ohne weiteren Aufenthalt reisen zu lassen.

Dem ersamen wisen unde vorsichtigen burgermesteren der stadt Emeden.
Enno, grave in Oestfrieslandt.
Ersamen wijsen unde vorsichtigen besunderen leven getruwen gunstigen guden vrundes. Wij hebben georlevet Ludeken, wyser s breffs, durch unse lande, watere unde strome ses stige molt roggen to laten foren, na synen besten orber, war men dat best belevet, umb bede unde bigerten des eddelen unde wolgebornen juncker Otten, greven tor Hoye, umme des willen he unde de sine dat wall ehrtides jegen uns unde de unsen wedderumb verschuldet hebben. Is darumb unse gude meninge unde bigerte, alte wanner wiser s breffs vor juw komende wart, dat gij juwer stadt toln van ome nemen unde laten ome sunder jenich vertoch mit synem roggen vortan varen. Gegeven to Auwrick, des midwekens na Andree, anno etc. LXXXIII^o.

x

x

Fonds	Ostfriesisches Urkundenbuch, II
Fol.nr.	S. 201
Nr	1125
Olim	Gleichzeitige Abschrift im Rathsarchive zu Emden ält. Registr. Nr. 717. andere Abschriften Saec. XVII. ebenda Nr. 469, und im Emder Stadtbuche, S.176. Regest: Bibliothek der Ostfries. Landschaft Nr. 92. Fol. 53'. — Nach einer Abschrift gedruckt: Loesing, Geschichte der Stadt Emden, S. 77.
Jaar	1483
Datumcode	EpAndree

x

x

Materiaal	papier

x

Edities	E. Friedländer, Ostfriesisches Urkundenbuch II (Emden 1881), nr. 1125