| Nummer:oub1137 | Datum:Werdum, 21. Juli 1484 | Overlevering:Editie | Vindplaats:Ostfriesisches Urkundenbuch, II, S. 213, nr. 1137 |
Schreiben des Häuptlings Hicko Boings zu Werdum an Edo Wiemken wegen seiner Ansprüche auf Inhausen.
Dem erbarn und duchtigen juncker Edens Winken, in Ostringen, Rustringen unde Wangerlande hovetling, mynem besundern leven swager, fruntlick gescreven.
Mynen denst mit vormoge alles guden. Werdige und erbar besunder leve swager. Juwer lefden is wall indachtich, ick unlanges van wegen myner husfrouwen Wimede, ene fruntliche vormaninge hebbe gedaen, und Inhussen up Iken to Knipensse und syne moder, de dat mit gewalt kegen Godt, ehre unde recht besytten, und my hebbe vorbaden myn recht unde unrecht by juwer erbarheit to bliven, und juw in der sake kenne als ein richter, in dem my recht weddervaren mach, unde myne sake genslich wol wolde stellen in juwen handen, wes gy mit medewetenheit Hero Omkens, of thodaet jeniger andern guder manne in dyssem lande konden kennen, wolde ik alle tidt gerne nemen unde gevenn, so ick dat forder up gelechliche dachstede tuschen beiden parten vorramet hebbe laten van my seggen, und oft juwe lefden de sake nicht wolde an juw nemen, hebbe ick my darnegest vorboden, myn recht und unrecht to stellen an wissen und vorfaren doctoren in den rechten, wes de wol underwisset de sake konden kennen in dem rechte, wolde ick an my nemen ane wedderspreken, und derbaven mynen wedderparten hebbe laten seggen, wert sake, sye des noch nicht willen doen, se laten den doctor kamen, de in der saken geschreven heft, oft einen anderen up legelyke dachstede van juwer lefden vorramet; ick wil desgelyken ock eynen tor stede bringen, de syck recht und unrecht mogelich vorsteit, wes de van beiden halven konen kennen, sal my van wegen myner husfrouwen in der sake genslichen wol beleven, alse ick ock nicht en twivele, juwer lefden wol indechtich hebben up der latesten dachstede, so de afschet was keghen de wedersdaghe, men dat mit dem besten vorarbeyden solde, und my dat itlich to weten doen, des ick doch allent sunder entlich antwort gebleven syn; Ike to Knipens hadde an my geschreven, ich ene solde senden myne articulen, dar ick myn fundament des rechtes up sette, so wolde he dat mit dem besten vorarbeiden; dar ich em weder up schref, ick des nicht plichtich were, eme myn recht to apenbaren, nicht ehr wy vor dengenen komen, de uns in der sake wil ein ordel ofte sententien geven na rechte, und syn ock noch van der meninge und hape, juwe erbarheit noch jenich guet man my dat wille to unrechte keren; is darumb, werdige und erbare bisunder leve swager, myn fruntliche beger, juwe lefden densulven Iken to Knipens und syne moder noch darto willen engen unde holden, my unde myner husfrouwen noch in der sake recht moge wedderfaren, weme ick noch tor tidt averbodich byn, alle dysse vorg. articulen und puncten to beleven, in dem my so wedderfaren mag; wert den so nicht gescheen mag, beger ich juwe erbarheit wille gedechtich syn, ick na allen rechten to vorbliven averbodich syn gewest, und dencke na dyssem dage, dar gene dachstede mer umb to holden, dan wil dat laten anstan went tor tidt, ick und myne frunde dorch hulpe des almechtigen Gots dat konen beteren; und wes dysses geschen mag, beger ick juwer lefden ein gutlich beschreven antwort; kan ick juw erbarheit jenigen denst, gunst und willen bewisen, sollen gy alle tidt aver my gebeden.
Geschreven uth Werdum[*], des midwekens vor Jacobi apostoli, under myn ingesegel, im jare etc. LXXXIIIIo.
Hicko Boings, to Werdum hovetling.
Mynen denst mit vormoge alles guden. Werdige und erbar besunder leve swager. Juwer lefden is wall indachtich, ick unlanges van wegen myner husfrouwen Wimede, ene fruntliche vormaninge hebbe gedaen, und Inhussen up Iken to Knipensse und syne moder, de dat mit gewalt kegen Godt, ehre unde recht besytten, und my hebbe vorbaden myn recht unde unrecht by juwer erbarheit to bliven, und juw in der sake kenne als ein richter, in dem my recht weddervaren mach, unde myne sake genslich wol wolde stellen in juwen handen, wes gy mit medewetenheit Hero Omkens, of thodaet jeniger andern guder manne in dyssem lande konden kennen, wolde ik alle tidt gerne nemen unde gevenn, so ick dat forder up gelechliche dachstede tuschen beiden parten vorramet hebbe laten van my seggen, und oft juwe lefden de sake nicht wolde an juw nemen, hebbe ick my darnegest vorboden, myn recht und unrecht to stellen an wissen und vorfaren doctoren in den rechten, wes de wol underwisset de sake konden kennen in dem rechte, wolde ick an my nemen ane wedderspreken, und derbaven mynen wedderparten hebbe laten seggen, wert sake, sye des noch nicht willen doen, se laten den doctor kamen, de in der saken geschreven heft, oft einen anderen up legelyke dachstede van juwer lefden vorramet; ick wil desgelyken ock eynen tor stede bringen, de syck recht und unrecht mogelich vorsteit, wes de van beiden halven konen kennen, sal my van wegen myner husfrouwen in der sake genslichen wol beleven, alse ick ock nicht en twivele, juwer lefden wol indechtich hebben up der latesten dachstede, so de afschet was keghen de wedersdaghe, men dat mit dem besten vorarbeyden solde, und my dat itlich to weten doen, des ick doch allent sunder entlich antwort gebleven syn; Ike to Knipens hadde an my geschreven, ich ene solde senden myne articulen, dar ick myn fundament des rechtes up sette, so wolde he dat mit dem besten vorarbeiden; dar ich em weder up schref, ick des nicht plichtich were, eme myn recht to apenbaren, nicht ehr wy vor dengenen komen, de uns in der sake wil ein ordel ofte sententien geven na rechte, und syn ock noch van der meninge und hape, juwe erbarheit noch jenich guet man my dat wille to unrechte keren; is darumb, werdige und erbare bisunder leve swager, myn fruntliche beger, juwe lefden densulven Iken to Knipens und syne moder noch darto willen engen unde holden, my unde myner husfrouwen noch in der sake recht moge wedderfaren, weme ick noch tor tidt averbodich byn, alle dysse vorg. articulen und puncten to beleven, in dem my so wedderfaren mag; wert den so nicht gescheen mag, beger ich juwe erbarheit wille gedechtich syn, ick na allen rechten to vorbliven averbodich syn gewest, und dencke na dyssem dage, dar gene dachstede mer umb to holden, dan wil dat laten anstan went tor tidt, ick und myne frunde dorch hulpe des almechtigen Gots dat konen beteren; und wes dysses geschen mag, beger ick juwer lefden ein gutlich beschreven antwort; kan ick juw erbarheit jenigen denst, gunst und willen bewisen, sollen gy alle tidt aver my gebeden.
Geschreven uth Werdum[*], des midwekens vor Jacobi apostoli, under myn ingesegel, im jare etc. LXXXIIIIo.
Hicko Boings, to Werdum hovetling.
