Der Offizial und Generalvikar von Münster bestätigt die von dem Pfarrer Johann Ludeman zu Emden errichtete und fundirte Präbende des Katharinenaltars in der Grossen Kirche, und theilt dessen Ausstattung im Einzelnen, sowie die Ordnung für die Besetzung der Präbende mit.

In nomine sancte et individue Trinitatis, Patris et Filii et Spiritus sancti. Amen. Johannes Wyttop, officialis terre Frisie Monasteriensis diocesis ac vicarius reverendi in Christo patris et domini nostri, domini[*] Hinrici episcopi Monasteriensis, per dictam terram in spiritualibus generalts, universis et singulis presentes litteras nostras visuris, lecturis et audituris cupimus fieri notum, quod constitutus coram nobis honorabilis dominus Johannes Ludeman, curatus parrochialis ecclesie Embdensis, diocesis antedicte, cupiens pro se et eiusdem parentela terrena in celestia et transitoria in eterna felici commercio commutare, ad laudem et gloriam omnipotentis Dei eiusdemque matris gloriose virginis Marie ac et sancte Katherine virginis preconium, pro divini cultus augmento ac animarum dicti domini fundatoris et parentum eius salute, in dotem perpetui beneficii et prebende ad altare beate Katherine virginis parrochialis[*] ecclesie Emedensis antedicte et inibi situatum, quosdam agros et bona fructusque et redditus eorundem una cum calice, libro missali ac casulis tribus cum suis ornamentis, necnon duos libros nocturnales cum uno diurnali libro ad horas legendas pro uno presbitero in eodem altari seu prebenda perpetue altissimo servituro sufficientes, contulit, donavit, deputavit et assignavit; videlicet undecim graminata terre Gerbide situata[*][*] in loco appellato vulgari nostro in grote Phalrynge hammerick. Item sex graminata terre, situata in der Harsinger hammerick, appellata in de grote Comp. Item tria demede landes situata in Hinter hammerick circa fossatum, appellatum by der scholer graven. Item sex graminata, quorum tria sunt appellata brede uterdyck, et alia sunt appellata Horneke, inter Westerhusen et Hint, et cum hoc ultra premisso vulgari nostro twe roden uterdykes. Item tria graminata meedlandes inter Mydlum et Westerhusen in loco appellato in Esschum. Item quinque graminata terre arabilis[*] in loco dicto in Westerhuser hammerick an Hint, geheten Poppes, et unum demet terre arabilis, [*] quo ab antiquo altare fuit predotatum. Dictorumque agrorum et bonorum redditus et proventus, salva augmentacione aliorum Christi fidelium superaddendorum, ad ipsam prebendam et beneficium in remissionem peccaminum suorum pie condonandorum, salvo sibi, domino fundatori, usufructu bonorum et agrorum huiusmodi quoad eius vitam. Voluitque et ordinavit fundator antedictus, quod ius patronatus seu presentandi personam abilem et idoneam ad beneficium antedictum, quociens et quando id inantea post dicti domini fundatoris obitum atque mortem vacare contigerit, a die obitus sui apud Ludolphum de Duten avunculum eius et consanguineum permaneat, et post mortem Ludolphi, filii sui et filii fratris sui Nicolai defuncti et eorundem heredes semper gradui proximiores in perpetuum eiusdem prebende seu beneficii sint veri patroni atque collatores. Qui tempore vacacionis eiusdem infra tempus a iure statutum ad idem beneficium clericum secularem aut sacerdotem, vel qui infra annum primum a tempore presentacionis sue in sacerdotem velit et valeat promoveri, nisi de consensu et voluntate patroni aut patronorum causa studii uberius tempus sibi fuerit prorogatum, quem prefato episcopo suo ve(l) pro tempore officiali et vicario aut archidiacono loci pro tempore pro collacione et investitura per eundem impendenda, presentabit sive presentabunt, alioquin si se, ut premittitur, promoveri non fecerit salva excepcione habita iure sibi per presentacionem huius modi ac collationem et investituram subseeutas quomodolibet acquisito, sit ipso facto privatus, et alter ydoneus sie ut premittitur promotus aut promoveri volens presentetur, idemque sic institutus, qualibet in ebdomada semel observabit officium defunctorum offerendo sacrificium pro fundatore ac pro suis per se aut per interpositam personam. Qui quidem semel in anno dabit portiones curato, vicario et custodi ecclesie Emedensis secundum morem et consuetudinem eiusdem ecclesie ac et cuilibet sacerdoti celebranti ipso die dabit stuferum pro presencia. Dictus eciam rector in beneficio ipso residenciam faeiet personalem; quam si non fecerit, fructibus, redditibus et emolimentis careat eiusdem semper salva exceptione habita; qui quidem fructus et redditus proviso primitus, quod beneficium ipsum per alium ydoneum et legalem sacerdotem debite respiciatur, in melioracionem beneficii eiusdem convertentur; eritque dictus rector curato suo dicta in ecclesia Emedensi in licitis et honestis obediens aliisque prebendatis in singulis conformis, nec iurgias aut discordias contra eundem curatum apud quascunque personas seminabit; eritque idem rector curato suo pro tempore necessitatis fidelis coadiutor, nec ipsum beneficium sine licencia et consensu patroni et seu patronorum desuper obtentis permutabit, alienationes eciam et distractiones agrorum et seu reddituum dicti beneficii sint sibi penitus interdicte. Quare pro parte dicti domini Johannis fundatoris nobis humiliter supplicatum, quatinus premissis omnibus et singulis ordinarie confirmacionis et approbacionis robur adicere, necnon et predictam prebendam in perpetuum ecclesiasticum beneficium engere dignaremur, nos Johannes, vicarius et officialis prefatus, piis fidelium votis, illis presertim, que animarum salutem et divini cultus augmentum respiciunt, quem et supradictus reverendus pater dominus noster episcopus suis temporibus vigere et augeri intensis affectat desideriis, libenter annuentes, volentes memoratum dominum fundatorem in eius laudabili proposito confovere: Ideo supplicacioni huiusmodi inclinati, auctoritate nobis commissa et qua fungimur in hac parte, assignacionem, donacionem, deputacionem, dotacionem et erectionem omniaque alia premissa, prout provide facte sunt, ut perpetuo illibata consistant et inconvulsa permaneant, admittimus, approbamus et confirmamus, dictumque altare cum fructibus, redditibus, emolimentis et obventionibus suprascriptis in perpetuum beneficium erigimus, necnon ius patronatus seu presentandi personam ydoneam ac collationem et investituram iuxta vim et formam superius preexpressas perpetue reservamus, bona ipsa dicte in fundacione expressa, quatinus opus fuerit, ecclesiastice vivendo et asscribendo libertati usuique pretacto unimus et incorperamus et sub ecclesiastica tuicione ponimus et recipimus, nostramque ordinariam auctoritatem premissis omnibus et singulis adicimus et interponimus per presentes. In quorum omnium testimonium presentes litteras exinde fieri sigillique officialatus dicte terre una cum sigillo dicti fundatoris fecimus appensione communiri. Acta fuerunt hec in Embda et domo hospicii nostri ibidem, sub anno Domini millesimo quadringentesimo octuagesimo quinto, indictione tercia, pontificatu sanctissimi in Christo patris et domini nostri, domini Innocencii, pape octavi anno eius primo, die vero Jovis undecima mensis Augusti, mane hora octava vel quasi, presentibus venerabilibus et circumspectis viris dominis magistro Boyone, Embdensis ecclesie prebendato, decretorum doctore, et Johanne Cleynsmyt in Uphusum curato, nostro in Embda commissario, testibus ad premissa vocatis specialiter et rogatis.
S. N. Et ego Henricus van Vyenden clericus Monasteriensis diocesis publicus sacra auctoritate ... notarius atque scriba ...
Transfix: oub1154.

x

x

Fonds	Ostfriesisches Urkundenbuch, II
Fol.nr.	S. 224
Nr	1153
Olim	Orig. Perg. im Archive der Grossen Kirche zu Emden, Urk. Nr. 70. Regest im Msc. 92 der Bibl. der Ostfries. Landschaft, Fol. 55.
Jaar	1485
Datumcode	1108

x

x

Commentaar	Die Siegel sind zerbrochen.

x

Materiaal	papier

x

Edities	E. Friedländer, Ostfriesisches Urkundenbuch II (Emden 1881), nr. 1153