| Nummer:oub1225 | Datum:18. Mai 1488 | Overlevering:Editie | Vindplaats:Ostfriesisches Urkundenbuch, II, S. 280, nr. 1225 |
Edo Wiemken an Bremen.
Den ersamen unde vorsichtighen borgermestere unde raedtmannen der stadt Bremen, mynen gueden frunden.
Mynen frundtliken gruedt thovoren. Ersamen vorsichtighen gueden frundes. Juwe frundtlike scriffte my uppe sodane bestandtbriefe, de gheduchtighe myn leve swager, ick unde Iko tho Knypense juw vorsegheldt bekundet hebben, wedderumbe benaeldt, meldende, gy by den steden unde landen, namptlich den Gronyngher, Detmarschen unde Wurster myt scrifften vlydtlyken willen bearbeyden, sodanne bestandt ock van se annamet unde medebelevet wurde, myt lengheren inholde etc., heb ick untfangende woll vornomen, so wy denne uppe juwen vorscriften juw unde den andern Oesterschen steden tho willen unse vorseghelynghe juw ten handen gheschickt hebben, vormenende, gy uns beth heertho myt der upgenanten stede unde landt eere vorseghelynghe nicht scholden vortoghert hebben, wo deme iss, gueden frundes, myne frundtlike begheer myt andacht, gy noch mytten besten so willen irfuegen, wy noch by dussen jegkenwordighen der vorg. stede unde lande eere vorseghelynghe wedderumbe mogen irlanghen; so gy denne furder van den beyden landen Bothjaden unde Stadtlandt medeberoren, begherende, ick by mynen medebenoemden wilde bearbeyden, den vorgenanten beyden landen Bothjaden unde Stadtlandt ock beth uppe Paeschen erstkomende eyn velich frundtlike und vast bestandt van uns sampt ghegeven unde vorsegheldt mochte worden etc., deme ick denn, gueden frundes, juw tho willen also ghedaen hebbe unde willen dairuppe in dussen erstkomenden Pinxten unse bestandtbriefe den beyden upgen. landen sulfs by eyghener bodescap wedderumbe benalen; sunder so juwe scriffte denne furder untdecken, de anderen ghebreke tuschen uns unde se boven de tserter syndt lopende uppe deme bestemmeden frundtliken daghe, namptlich dess maendages na Johannis tho myddensommer erstkomende untopendt unde irkandt mochten werden etc, hebben gy denne uth mynen vorscriften woll irmarckt, uns bynnen juwer stadt daghe jegen se tho holdende nicht en sta tho donde, anghesehen alle twyschelinghe tuschen beyden parten uppe eerlyker fromer lude irkantnisse bynnen landen ghestaldt unde begheven iss, dair twe tserter uppe vorhandeldt, belevet unde angenamet, dewelcke uns nicht en steyt to krenkende; konden wy juw anderswairanne to willen synnen, scholen uns guedtwillich sporen. Gode bevolen. Datum ame sondage vor Pinxteren, anno LXXXVIIIo.[*]
Edo Wymeken, tho Jhever etc. hovetling.
Mynen frundtliken gruedt thovoren. Ersamen vorsichtighen gueden frundes. Juwe frundtlike scriffte my uppe sodane bestandtbriefe, de gheduchtighe myn leve swager, ick unde Iko tho Knypense juw vorsegheldt bekundet hebben, wedderumbe benaeldt, meldende, gy by den steden unde landen, namptlich den Gronyngher, Detmarschen unde Wurster myt scrifften vlydtlyken willen bearbeyden, sodanne bestandt ock van se annamet unde medebelevet wurde, myt lengheren inholde etc., heb ick untfangende woll vornomen, so wy denne uppe juwen vorscriften juw unde den andern Oesterschen steden tho willen unse vorseghelynghe juw ten handen gheschickt hebben, vormenende, gy uns beth heertho myt der upgenanten stede unde landt eere vorseghelynghe nicht scholden vortoghert hebben, wo deme iss, gueden frundes, myne frundtlike begheer myt andacht, gy noch mytten besten so willen irfuegen, wy noch by dussen jegkenwordighen der vorg. stede unde lande eere vorseghelynghe wedderumbe mogen irlanghen; so gy denne furder van den beyden landen Bothjaden unde Stadtlandt medeberoren, begherende, ick by mynen medebenoemden wilde bearbeyden, den vorgenanten beyden landen Bothjaden unde Stadtlandt ock beth uppe Paeschen erstkomende eyn velich frundtlike und vast bestandt van uns sampt ghegeven unde vorsegheldt mochte worden etc., deme ick denn, gueden frundes, juw tho willen also ghedaen hebbe unde willen dairuppe in dussen erstkomenden Pinxten unse bestandtbriefe den beyden upgen. landen sulfs by eyghener bodescap wedderumbe benalen; sunder so juwe scriffte denne furder untdecken, de anderen ghebreke tuschen uns unde se boven de tserter syndt lopende uppe deme bestemmeden frundtliken daghe, namptlich dess maendages na Johannis tho myddensommer erstkomende untopendt unde irkandt mochten werden etc, hebben gy denne uth mynen vorscriften woll irmarckt, uns bynnen juwer stadt daghe jegen se tho holdende nicht en sta tho donde, anghesehen alle twyschelinghe tuschen beyden parten uppe eerlyker fromer lude irkantnisse bynnen landen ghestaldt unde begheven iss, dair twe tserter uppe vorhandeldt, belevet unde angenamet, dewelcke uns nicht en steyt to krenkende; konden wy juw anderswairanne to willen synnen, scholen uns guedtwillich sporen. Gode bevolen. Datum ame sondage vor Pinxteren, anno LXXXVIIIo.[*]
Edo Wymeken, tho Jhever etc. hovetling.
