| Nummer:oub1259 | Datum:Um 1489 | Overlevering:Editie | Vindplaats:Ostfriesisches Urkundenbuch, II, S. 305, nr. 1259 |
Das Minoritenkloster zu Faldern bekundet, dass es von der Grossen Kirche Schiefer zur Abdeckung seines 'Schneiderhauses' empfangen und an Zahlungsstatt die ihm zustehende Bede aus der Grossen Kirche überlassen habe.
Wy broders des minrebroderenconventes van Falren bekennen mit deser schryft, dat wy untfanghen hebben van der moderkercken van Emeden off van den hilghen mans van der kercken weghen elfftehalff rijste leyen, daer unse schroerkamer mede ghedecket is. Des hebben se weder ghehat in betal de bede in der moderkercken, unde stat up unses leven Heren hemelvaertsdach van des conventes weghen wal 16 jaer off meer; ende wanneer se eer betal weder hebben, dat sal cavelen, richten unde oerdelen de proefst mester Hicke als een man des vredes, unde want unse leve Here den uth deser tyt ghenomen heft, so hebbe wy broeders voerscr. in syn stede ghekoren mynen ghenadighen heren, by wens segghen wy altyt staen willen.
