| Nummer:oub1266 | Datum:26. April 1490 | Overlevering:Editie | Vindplaats:Ostfriesisches Urkundenbuch, II, S. 311, nr. 1266 |
Die Bürgermeister und der Rath zu Groningen bekunden, dass Gose Slotemaker und dessen Frau, als ihre Tochter Ludgerd in das Kloster Aland trat, dem Kloster eine jährliche Rente aus ihrem Hause unter Vorbehalt der Ablösung für ein bestimmtes Kapital, und unter Fixirung der sonstigen event. Erbansprüche ihrer Tochter übertragen haben.
Wy borgermestere ende raet in Groningen betugen myt dessen openen breve, dat voer ons sint gekomen Gosen Slotemaker ende Leeffken, syn echte huusfrouwe, ende bekanden voer em ende oren erffgenamen, dat sie hebben gegunt, gegeven ende togestaen den proveste ende convente van Alandt, myt Lutgerde oere dochter, des vorscr. convents professede zuster, sess Arnensgulden jaerliker ende erffliker renten payment, alse voer datum des breves in Groningen gancber in, to betalen, jaerlix to boren als een stadtrecht is ut oeren huuse ende hofstede myt syn tobehoren, gelegen an de westerzyde van Gaddingestrate, daer Willem Bebinge huus naest by ter zwette licht an de norderzijt, ende Berent ter Aerts hus an de zuuderzijt, ende voert ut alle oren anderen guederen, waer de oeck gelegen sint, vry daerut to waren, voer sodane gunst ende waldaet, alze de provest ende dat convent vorscr. by Lutgherde oere dochter vorscr. gedaen ende bewyst hebben; welke ses gulden renten vorscr. Gosen ende Leeffken offte oere erffgenamen vorscr. mogen weder aff, vry ende quijt kopen tot allen tyden, wanneer em des genoget, myt twintich golden Rynsche golden offte payment, dat daer guet voer is; oeck sint vorworden, dat Lutgert vorscr. sall na Gosens offte Leeffkens oere old.ers vorscr. doet, in den dat Lutgert vorscr. so lange levet, tot broder ende tot Gosens ende Leeffkens vorscr. ander kynder mede ter lycker scheydinge gaen; dat broder Hilbrant, Lutgerts vorscr. broder, so mede belevet ende tosteet, so hie voer ons bekande sunder argelist, dat orkonden wy myt onser stad zegell. Ghegeven in den jaer ons Heren dusent vierhundert ende tnegentich, des maendages na sunte Marcus dach, doe Sweder Kater, Hermen Potter, Coppyn Jarghes ende Roleff Mepsche borgermester weren unser stadt.[*]
