| Nummer:oub1415 | Datum:21. Nov. 1494 | Overlevering:Editie | Vindplaats:Ostfriesisches Urkundenbuch, II, S. 430, nr. 1415 |
Ritter Hero von Dornum an die Stadt Osnabrück: wegen der vorgekommenen Uebergriffe der von Nagel und von Ledebur, und wegen der Schuld des Grafen von Tecklenburg.
Den eersamen ... borghermesteren unde raed der stad Osenbrugge vruntliken gescreven.
Eersamen unde vorsichtigen guden frunde. Also yuwe schrift vormeldet, gy sodane breff up wederschrift van my an den erbaren duchteghen Eden, to Yever etc. hovetling, mynen leven swager, gedan, lesen unde vorstan hebben myt anderer yuwer schrifte, inholde, juw Johan Naghele unde Ledeburs vorbot offte schrifte nicht vorwitliket sy, oek, yft yuw de wal openbaret hedde worden hedde, noch an ...[*] sek sulker vromder swarheit antonemende, duchte my deshalven neen groet fromede swarheit to synde; wente so yk berichtet byn see oft orer een in den stichte Osenbrugghe ore erveguder een deel liggende heben, hedde men myt anwisinghe oft anhalinghe dar wal to komen, dat se my de myne weder quyth mosten geven hebben, de se sunder rede unde recht in orer rechtverdigen bedevart gegrepen hadden, darto myt alle neue ansprake up to hebbende; men alse ore wederpart in Vreslant synde, se daruth beschadede, des ik doch nicht to donde hadde, noch doeruth oft to hus in myunen gebede en schach, darumme se so an my schreven wolden haten, al dat Vreschen namen hadde des yk yuw ore sodane schrift inholdende oek ghesent hebbe watte lyknisse eder rechtverdicheit dat sy steit to markede. Vortmer, eersamen guden vrunde, alse yk yuwer lefte ok eer gescreven hebbe unde gebeden, gy den edelln walgeborn junkher Otten, greven to Tekenborch, juwen medeinwonere, so wolden underrichten, he my viftich Rinsche gulden, de he my schuldich ys, vornogede, welkent my wente hierto nicht heft gebatet; begere yk noch degher vruntliken, gy one so willen underrichten unde mit ome bestellen, he my noch sodane ghelt vornoghe ... welkent dat neen fromede swarheit en ys, gy dat wal moghen don, wente ik dar nenewys lengher mede wille liden. Gode bevolen. Screven under myn secrete, in profesto Cecilie virginis, anno etc. XCo quarto.
Hero van Dornum tho Esense, Stedestorpe unde Witmunde, ritter.
Eersamen unde vorsichtigen guden frunde. Also yuwe schrift vormeldet, gy sodane breff up wederschrift van my an den erbaren duchteghen Eden, to Yever etc. hovetling, mynen leven swager, gedan, lesen unde vorstan hebben myt anderer yuwer schrifte, inholde, juw Johan Naghele unde Ledeburs vorbot offte schrifte nicht vorwitliket sy, oek, yft yuw de wal openbaret hedde worden hedde, noch an ...[*] sek sulker vromder swarheit antonemende, duchte my deshalven neen groet fromede swarheit to synde; wente so yk berichtet byn see oft orer een in den stichte Osenbrugghe ore erveguder een deel liggende heben, hedde men myt anwisinghe oft anhalinghe dar wal to komen, dat se my de myne weder quyth mosten geven hebben, de se sunder rede unde recht in orer rechtverdigen bedevart gegrepen hadden, darto myt alle neue ansprake up to hebbende; men alse ore wederpart in Vreslant synde, se daruth beschadede, des ik doch nicht to donde hadde, noch doeruth oft to hus in myunen gebede en schach, darumme se so an my schreven wolden haten, al dat Vreschen namen hadde des yk yuw ore sodane schrift inholdende oek ghesent hebbe watte lyknisse eder rechtverdicheit dat sy steit to markede. Vortmer, eersamen guden vrunde, alse yk yuwer lefte ok eer gescreven hebbe unde gebeden, gy den edelln walgeborn junkher Otten, greven to Tekenborch, juwen medeinwonere, so wolden underrichten, he my viftich Rinsche gulden, de he my schuldich ys, vornogede, welkent my wente hierto nicht heft gebatet; begere yk noch degher vruntliken, gy one so willen underrichten unde mit ome bestellen, he my noch sodane ghelt vornoghe ... welkent dat neen fromede swarheit en ys, gy dat wal moghen don, wente ik dar nenewys lengher mede wille liden. Gode bevolen. Screven under myn secrete, in profesto Cecilie virginis, anno etc. XCo quarto.
Hero van Dornum tho Esense, Stedestorpe unde Witmunde, ritter.
