Uebereinkunft zwischen Bürgermeister und Rath von Emden wegen der unter sich vorzunehmenden Vertheilung der ihnen zukommenden Brüche und sonstigen Einnahmen.

In deme jaer unses Hern dusendt vierhondert vyff entnegentich, des negesten sonnavendes voer purificacionis Marie virginis, synnen borgermester unde raedt der stadt Emeden under sich leeffliken unde fruntliken voereniget unde verdragen der broke halven an der uppkome, profijt unde nutticheit, de deme borgermesteren unde rade ankomen borgerscapp to wynnen, uthfaert unde infaert; als dess ene in tokomene tyden inn jeniger wyse meer ankomene mach, soelen borgermester unde raet delen inn maneren nabescreven. Item de borgermester soelen toeforen aff der stadt segelle bruken unde geneten unde allene beholden alle dat daer affkumpt, nichtes uthgescheden. Item forder alle broke, de na dessen dagen verschynen mach, alle uppkome der stadt Emeden, alle profijt, infaert, uthfaert unde alle, dat in verbeteringe der stadt Emeden is unde anwassen mach, soelen de vier borgermester thegen den achte radesheren to lijke delen, so toe verstaen, de borgermester twe penninge ende radesheren enen penning.
Johannes Huesman, lanndtrechter der gravescapp Oestvreslandt, hefft dit getekent myt syner handt.

x

x

Fonds	Ostfriesisches Urkundenbuch, II
Fol.nr.	S. 438
Nr	1424
Olim	Gleichzeitige Eintragung im Emder Protokollbuch. Rathsarchiv, Nr. 846.
Jaar	1495
Datumcode	SaPurMar

x

x

Materiaal	papier

x

Edities	E. Friedländer, Ostfriesisches Urkundenbuch II (Emden 1881), nr. 1424