| Nummer:oub1432 | Datum:29. März 1495 | Overlevering:Editie | Vindplaats:Ostfriesisches Urkundenbuch, II, S. 444, nr. 1432 |
Haro zu Middelstewehr, Udo zur Kaldeburg und Heitet Metsen schreiben an Häuptling Edo Wiemken zu Jever wegen der Flucht ihres Verwandten Fulf und wegen des Streithandels des Hero Omken mit dem Grafen Edzard.
Deme erberen unde duchtighen juncker Edden, tho Jever etc. hovedtlinge, unsen bysonderen gescreven.
Duchtighe bysonderen leve junckher. Alls juwe lefften vermelldende in avermittes juwen scryffthen an Follephe, onnssen veddern unde frunde, wo he nachdtslapender tydt udt syner herberghe, Ubben scryvers hus, si ghescheden, baven dat he dair nichdt udt tho scheden hebbe ghelavedt, idt en were dann ersdt mydt juwer leffthen wethen unde willen, deme jhodoch szo nichdt gheschen eyn sy etc., juwer leffthen scryffthen idt mydt meren inhollden, wairop wy frundtlinghe dess genompdten Follephes ghefoghen juwer leffthen wethen, wo en sodans nichdt mydt Folleffs wyllen is gheschenn, dann wy Follephe, onnssen vedderen unde frunde, mydt ghewaldt unde machdt van Jever ghenamen udt Ubben scrivers hus unde dat dorch sonderlinx ons dartho gheengedt unde gedronghen heffdt, alls juw lefften udt dessen imghellachten scriffthen de menynghe woll irfaren wordt, unde ock furter Follephe im mynes gnedighen leven heren, heren Edtzardes, graven to Ostfreslande, hande hebben lathen laven unde sweren unde on ock nichdt willen vorstaden wedder in tho holden, amgesen Follephe nichdt ghellden wordt onen ghelavedt is van juwer leffthen, er he juw leffthe voirstadede, mydt eme op Imhusen tho reysende; unde furtir ock als juwe leffthe berorende is im juwen scriffthen, edt en sy dann he nicht wedder imholde ghedencke gy one tho vorscryven ame heren, forsthen unde ghude mannen, wyllen wy one eck vormoghen unde mechtich zyn, syn rechdt unde onrechdt dar ock by tho vorbliven; furtirmer ock alls byredt in im den imgelachten scryffthen de prior van Ezense gesechdt hadde to Emden, wo Her Omeken gesechdt hadde her Edtzardt synnen broder junckher Ollricke 4 dorphen genomen hedde etc., [*] irfindt sych szo nichdt mydt Knipensen unde Imhussen, allst sych mydt Olldersum, wendt idt van mynen gnedigen leven heren tho vorlenende is, unde alls he den fillichte in onhorsam geworden synen rechten lenheren in, dann fillichte ensodans darombe gheschen, wellck Follf ne gedan en hefft, unde dairaver noch synnen de ondersaten junckher Ollrickes amgefallen heren Edtzarde, bigerende van syner gnaden, se tho vordedingende ghellich syner gnaden ondersaten etc., jhodoch in noch Follephe ghehollden mach werden szo ome van juwer leffthen ghelavedt, alls byholldtlichen syner boerch, herlicheydt, erve unde ghudere, szo se eme syn vader millder dechtnisse gheervedt heffdt, schall sich Folleff ... dann gheborlich ame hebben, unde mach deme averst so nichdt geschen, ghedencken wy (idt) heren, forsten unde guden mannen tho klagende, unde dar indt latent nichdt medde tho lyddende, amgesen he idt nichdt vorbordt hefft jeghens juwer leffthen, men so ongelimplichen mydt on schall ombeghahen; bigeren des juwer lefften oprichtige bescreven andtwordt wedderombe. Screven ame sondage Letare.
Haro tho Myddelstwere, Udde thor Kaldeburch unde Heytedt Metsen, sampdtlichen mydt onsen frunden.
Duchtighe bysonderen leve junckher. Alls juwe lefften vermelldende in avermittes juwen scryffthen an Follephe, onnssen veddern unde frunde, wo he nachdtslapender tydt udt syner herberghe, Ubben scryvers hus, si ghescheden, baven dat he dair nichdt udt tho scheden hebbe ghelavedt, idt en were dann ersdt mydt juwer leffthen wethen unde willen, deme jhodoch szo nichdt gheschen eyn sy etc., juwer leffthen scryffthen idt mydt meren inhollden, wairop wy frundtlinghe dess genompdten Follephes ghefoghen juwer leffthen wethen, wo en sodans nichdt mydt Folleffs wyllen is gheschenn, dann wy Follephe, onnssen vedderen unde frunde, mydt ghewaldt unde machdt van Jever ghenamen udt Ubben scrivers hus unde dat dorch sonderlinx ons dartho gheengedt unde gedronghen heffdt, alls juw lefften udt dessen imghellachten scriffthen de menynghe woll irfaren wordt, unde ock furter Follephe im mynes gnedighen leven heren, heren Edtzardes, graven to Ostfreslande, hande hebben lathen laven unde sweren unde on ock nichdt willen vorstaden wedder in tho holden, amgesen Follephe nichdt ghellden wordt onen ghelavedt is van juwer leffthen, er he juw leffthe voirstadede, mydt eme op Imhusen tho reysende; unde furtir ock als juwe leffthe berorende is im juwen scriffthen, edt en sy dann he nicht wedder imholde ghedencke gy one tho vorscryven ame heren, forsthen unde ghude mannen, wyllen wy one eck vormoghen unde mechtich zyn, syn rechdt unde onrechdt dar ock by tho vorbliven; furtirmer ock alls byredt in im den imgelachten scryffthen de prior van Ezense gesechdt hadde to Emden, wo Her Omeken gesechdt hadde her Edtzardt synnen broder junckher Ollricke 4 dorphen genomen hedde etc., [*] irfindt sych szo nichdt mydt Knipensen unde Imhussen, allst sych mydt Olldersum, wendt idt van mynen gnedigen leven heren tho vorlenende is, unde alls he den fillichte in onhorsam geworden synen rechten lenheren in, dann fillichte ensodans darombe gheschen, wellck Follf ne gedan en hefft, unde dairaver noch synnen de ondersaten junckher Ollrickes amgefallen heren Edtzarde, bigerende van syner gnaden, se tho vordedingende ghellich syner gnaden ondersaten etc., jhodoch in noch Follephe ghehollden mach werden szo ome van juwer leffthen ghelavedt, alls byholldtlichen syner boerch, herlicheydt, erve unde ghudere, szo se eme syn vader millder dechtnisse gheervedt heffdt, schall sich Folleff ... dann gheborlich ame hebben, unde mach deme averst so nichdt geschen, ghedencken wy (idt) heren, forsten unde guden mannen tho klagende, unde dar indt latent nichdt medde tho lyddende, amgesen he idt nichdt vorbordt hefft jeghens juwer leffthen, men so ongelimplichen mydt on schall ombeghahen; bigeren des juwer lefften oprichtige bescreven andtwordt wedderombe. Screven ame sondage Letare.
Haro tho Myddelstwere, Udde thor Kaldeburch unde Heytedt Metsen, sampdtlichen mydt onsen frunden.
