| Nummer:oub1482 | Datum:18. März 1496 | Overlevering:Editie | Vindplaats:Ostfriesisches Urkundenbuch, II, S. 495, nr. 1482 |
Gerichtliche Entscheidung über die Ansprüche des Claus Glasemaker, welcher aus dem Testament seines Vaters von seiner Stiefmutter benachtheiligt zu sein behauptet.
Anno XCo sexto, altera die Gertrudis virginis, is gewest Clawes Glasemaker vor dem lantrichter unde uns in gherichte, dar he was anlangende Lutken Roelff unde Teelke, zyner steefmoder, alz umme zynes vader unde moder goeder, em darane nycht vul ghescheen wer; dar was dosulff de steefmoder tonende zynes vaders testament, ludende wovele eyn igelick kynt der goederen hebben scolde na zyner doet, unde dat nycht gestraffet is. Oeck tonende ze enen besegelden breff, den her Johan Moerman hadde besegelt, inholdende ze em zynen andeel hadde avekoft unde wal betaelt. So heft dat recht zodane breve in vuller macht gewyst na goeder vermeldynge dersulften breve.
