| Nummer:oub1496 | Datum:17. Juni 1496 | Overlevering:Editie | Vindplaats:Ostfriesisches Urkundenbuch, II, S. 504, nr. 1496 |
Bürgermeister und Rath von Hamburg quittiren dem Grafen Edzard über 2000 vertragsmässig bezahlte Lübische Mark, welche Zahlung Groningen vermittelt hat.
Wy borgermeistere unde radtmanne der stadt Hamborgh bekennenn unde betugenn apenbare in desseme breve vor alszweme, dat uns de eddele wolgheborne jungker Edzard, greve inn Ostfreislandt, van wegen ener concordien unde eendracht, synenn gnadenn unde uns entwisschenn gemaket, to gantzer noge entrichtet unde betalet hebbe by deme erszamen rade tho Groningenn eyndusent Lubessche margk, de syn gnade uns vonn dusseme vorgangenn vieffundenegentighstenn jare, [*] unde dergelichenn noch eyndusent margk vonn dussem jegenwordigenn seszundenegentichstenn[*] jare schuldich is gewesst, unde seggen syne gnade van sodanen twendusent Lubeschenn margken vonn dussenn beydenn jarenn unde termynenn qwith, leddich unde loss, in krafft desses unses breves. Tho orkunde mit unser stadt anhangendenn secrete vorsegelt. Gegeven unde geschrevenn na der bordt Cristi unses Heren veerteynhundert im sess unde negentichsten jare, am frydage na Viti martiris.
