Der Amtmann von Kloppenburg Herberd von Dorgelo übersendet dem Häuptling Edo Wiemken das ihm zugegangene Schreiben (Nr. oub1530) und theilt ihm mit, dass Graf Edzard sich zurückgezogen habe und welche Unterstützung für ihn bereit sei.

Deme erbaren unde duchtigen juncker Ede Wymeken, to Jever hovetlinge, denstliken ghescreven. Erber duchtige leve juncker. Eszerd, greve in Freschlant, hadde 80 knechte utgemaket, de eren denst juver lefften scholden gebaden hebben, und schulden ju de borch aff vorraden hebben, dar 2 affgrepen syn ton Nyenhuse, gelik gy sen wogen in desser ingelachten copien, dat ik juwer lefften sus vort to kennen geve, dar gy ju vor waren mogen. Ok wil ik ju van stund welke knechte ut den ampten tor Cloppenborch senden, de nicht vorraden scholen. Item her Eszerd is weder torugge togen, do em de vorrederygge nicht vortgenk. Ik wolde ju anders mer knechte senden, went Wilhelm van den Busche sede my, gy hadden em screven umme 30. Ok hefft my Johan Renelde screven, my van stund to bringen 200 knechte, offt ja dar wes umme wer, mochte gy by em schicken. Ok Wilhelm van den Busche wil myt en del domheren na mynen gnedigen heren van Munster unde na den capittel van stund an to juwer lefften besten unde juwes swegers. Gade lange bevolen. Gescreven under mynen ingesegel, des hilgen Paschedages XCVII^o.
Herberd van Doringelo, amptman tor Cloppenborch.

x

x

Fonds	Ostfriesisches Urkundenbuch, II
Fol.nr.	S. 532
Nr	1531
Olim	Orig. Pap. im Grossherzogl. Archive zu Oldenburg.
Jaar	1497
Datumcode	Pasche

x

x

Commentaar	Das Siegel ist abgebröckelt.

x

Materiaal	papier

x

Edities	E. Friedländer, Ostfriesisches Urkundenbuch II (Emden 1881), nr. 1531