| Nummer:oub1551 | Datum:19. Juli 1497 | Overlevering:Editie | Vindplaats:Ostfriesisches Urkundenbuch, II, S. 548, nr. 1551 |
Hayo Nanneken zu Rysum verkauft vor dem Pfarrer Boyo Meyena dem Bolard von Jemgum ein Gras Landes, dessen Lage näher angegeben wird.
Ick mester Boyo Meyena, decretorum doctor, kercher to grote Phaleren etc., bekenne unde betuge apembar vermits dussem mynem apenen bezegelden breve vor alsweme, wo vor my is gekomen de beschedene Hayo Nanneken to Rysum unde bekande, he mit vrigen willen hedde vercofft unde noch jegenwordich in macht s breffs vercoffte erfflick unde ewelick eyn grass landes in Rysumer hamrick, geheten Nonnyngemeede, by Bettewestere tyll, in eyner fennen van 4 grazen, des de predicatores to Norden, de minores to Emeden, unde de broders to Appinge islich 1 gras in dersulfften fennen liggende heben, dem ersamen Bolardo van Jemgum, borger in Emeden, Elzeken, siner eliken huysfrouwen, unde erer twyer erven, vor eyne tsumme van gelde, dewelcke de ergenante Hayo bekande, om de erste penninck mit dem latenten van dem ergenanten Bolardo to willen woll vernoget wer, des he om bedanckede; unde desulffte Hayo vurscreven sall unde will Bolardo vursereven unde sinen erven dusses vurscreven landes vor sick unde sine erven in macht dusses sulfften breffs eyn recht warent wezen vor alle ansprake geistlikes effte wartlikes gerichtes, wanner unde wo vaken on sulff sulkes van noeden to done mochte werden, sunder all argelist. Tugeslude hyrto geropen sint gewest Gerdt Goltscmit unde Johan Scroder van Norden, borgers in Emeden. To merer orkunde der warheit so heb ich mester Boyo, kerchere unde doctor ergenant, myn ingeseghel durch Haien vurscreven bede willen beneden an dussen breff gehangen. Geven na Christi geborth verteynhundert, darna am seven undtnegentichsten jare, am neisten midweken na divisionem apostolorum.
