| Nummer:oub1564 | Datum:10. Sept. 1497 | Overlevering:Editie | Vindplaats:Ostfriesisches Urkundenbuch, II, S. 558, nr. 1564 |
Notiz über die Ablegung der Emder Kämmereirechnung.
Anno Domini etc. XCVIIo, uppe den sondach na Marie nativitatis, hebben de ersamen unde vorsichtigen borgermeister unde raetmanne der stadt Emeden rekenscup gedaen van allen upkomen, renthen, tollen unde anders thoebehoer dersulften stadt, in bywesent der erberen unde vesten Mathei Nicamer, drosten, Hylmer, hovetling to Borsum, Johannes lantrechters, Dirici borchscrivers, de de rekenschup durch sunderlingk bevel unses gnedigen leven heren hebben untfangen, dat ene tyegen dat ander doet gerekent, so dat de borghermeister unde raeth bliven schuldich dreehundert 80 unde dree Arn. gulden, up dato ganck unde geve.
