| Nummer:oub1597 | Datum:17. Juni 1498 | Overlevering:Editie | Vindplaats:Ostfriesisches Urkundenbuch, II, S. 585, nr. 1597 |
Bürgermeister und Rath von Emden schreiben an Thomas von Schleinitz, der wegen ihm zu Emden widerfahrener Unbill Schadensersatz verlangt hat, und lehnen, da die Seinigen die Anstifter des Auflaufs gewesen, zwar die Verantwortlichkeit ab, machen aber die Entscheidung von der einzuholenden Ansicht der Bürgerschaft abhängig.
Deme wolduchtigeu unde erbern Thoman von Schleinetz, unsen gunstigen gueden frundhe.
Unsen gunstigen gruet voir. Wolduchtige unde erbere guede frundt. Als gy uns nu schriven von zmaheiden juw bynnen Emeden geschien schole sin, unde deshalven etlich gelt vorderen etc., szo hebben gy woll in gueden gedechtnisse de oirssake des uplopes durch juwe knechte unde etliche ungenanten bynnen Emeden voirgenomen, [*] unde dat uns sodannes van herten leidt was unde noch weere, dat juw ader andern edellueden ader gueden gesellen van uns ader denghenen wi mechtig weren jenige szmaheit ader mishegelicheit wederfaren solde, dan sodanes na unsen vurmoge mit unsen lyve unde levende wulden vurhoden unde affwenden, szo wi by juw selves bewiset unde gedaen hebben, dat men uns billich deshalven ghene schult moge toleggen. Jodoch willen wy juwer meynonge unde schriffte den gemeynen borgers to vurstaende geven, unde wes uns dan bejegenet unde dairan to doende in, willen wy na rade unses gnedigen leven herren ane geboirlichen antworde nicht laten, unde mochten wy juw fruntschafft unde willen bewisen, deden wy gerne. Gegeven ame sondage na Sacramenti, anno etc., XCVIIIo, under unses stades secret.
Borgemeistere unde raidt der stadt Emeden.
Unsen gunstigen gruet voir. Wolduchtige unde erbere guede frundt. Als gy uns nu schriven von zmaheiden juw bynnen Emeden geschien schole sin, unde deshalven etlich gelt vorderen etc., szo hebben gy woll in gueden gedechtnisse de oirssake des uplopes durch juwe knechte unde etliche ungenanten bynnen Emeden voirgenomen, [*] unde dat uns sodannes van herten leidt was unde noch weere, dat juw ader andern edellueden ader gueden gesellen van uns ader denghenen wi mechtig weren jenige szmaheit ader mishegelicheit wederfaren solde, dan sodanes na unsen vurmoge mit unsen lyve unde levende wulden vurhoden unde affwenden, szo wi by juw selves bewiset unde gedaen hebben, dat men uns billich deshalven ghene schult moge toleggen. Jodoch willen wy juwer meynonge unde schriffte den gemeynen borgers to vurstaende geven, unde wes uns dan bejegenet unde dairan to doende in, willen wy na rade unses gnedigen leven herren ane geboirlichen antworde nicht laten, unde mochten wy juw fruntschafft unde willen bewisen, deden wy gerne. Gegeven ame sondage na Sacramenti, anno etc., XCVIIIo, under unses stades secret.
Borgemeistere unde raidt der stadt Emeden.
