| Nummer:oub1620 | Datum:12. Febr. 1499 | Overlevering:Editie | Vindplaats:Ostfriesisches Urkundenbuch, II, S. 601, nr. 1620 |
Die Stadt Groningen an Graf Edzard: wegen der ihrerseits und seitens des Umlande ihm geschuldeten Summe.
Den edelen walgebornen heren, heren Edzardt, greve to Oestfrieslandt, guetlychen gescreven.
Edele, wolgeborne here. So uns juwe edelheyden nu geschreven hebn van wegen des geldes der ummelanden tusschen der Emese ende Lauwers gelegen in marcklyken anliggenden noetsaken uns bewust, dass juwe edelheyden guetlyken geleent ende dorch de lande to behoeff juwer edelheyden betalinge weder geschattet ende upgebracht, des wy uns dan in juwer edelheyden betalinge mercklyken behynderen solden tot der landen groten derffliken schaden under anderen reden etc., hebben wy guetlyken ontfangen ende verstaen. So yst wy juwe edelheyden guetlyken daerup to weten doen, also de prelaten ende hovelinge weder myt uns up hoer gudere komen ende syck alsdan daer hebn ende bewysen gelyk den anderen ende verbuntscheden, willen wy uns alsdan em daerinne behulplick wesen, umme de penningen to radem ende to verwerven, de betalinge van te doende ju edelheyden na alle behoerlycheyden men uns dat mogelyken bedoncken sall, ende ock der menynge ne gewest zynt, wy dass' en tegens gedacht hebn to doende, noch dencken to doende, syck so na wyllen weten to hebben; juwe edelheyden geschreven under unss stad secret, des dinxedages vor Valentini, anno etc. nonagesimo nono.
Borgermestere ende raedt der stadt Gronyngen.
Edele, wolgeborne here. So uns juwe edelheyden nu geschreven hebn van wegen des geldes der ummelanden tusschen der Emese ende Lauwers gelegen in marcklyken anliggenden noetsaken uns bewust, dass juwe edelheyden guetlyken geleent ende dorch de lande to behoeff juwer edelheyden betalinge weder geschattet ende upgebracht, des wy uns dan in juwer edelheyden betalinge mercklyken behynderen solden tot der landen groten derffliken schaden under anderen reden etc., hebben wy guetlyken ontfangen ende verstaen. So yst wy juwe edelheyden guetlyken daerup to weten doen, also de prelaten ende hovelinge weder myt uns up hoer gudere komen ende syck alsdan daer hebn ende bewysen gelyk den anderen ende verbuntscheden, willen wy uns alsdan em daerinne behulplick wesen, umme de penningen to radem ende to verwerven, de betalinge van te doende ju edelheyden na alle behoerlycheyden men uns dat mogelyken bedoncken sall, ende ock der menynge ne gewest zynt, wy dass' en tegens gedacht hebn to doende, noch dencken to doende, syck so na wyllen weten to hebben; juwe edelheyden geschreven under unss stad secret, des dinxedages vor Valentini, anno etc. nonagesimo nono.
Borgermestere ende raedt der stadt Gronyngen.
