Die Harlinger gewähren den Einwohnern von Arnheim freien Verkehr in ihrem Lande und bitten, ihren Landsleuten dort dieselbe Gunst zu gewähren.

Viris nobilibus et discretis iudicibus seu consulibus civitatis in Arnum Ailwardus Mensana, Thitardus Ebecana, enunciatores iudicum terre Herlingie necnon tota universitas, salutem. Ad pacis incrementum ac totius iustitiae complementum vestre magne discretioni per presentes notificamus, quod vestris indigenis et concivitatensibus singulis ac universis, ubicunque in terminis nostris eos laborare contigerit seu inmorari, pro eorum utilitate pacem firmam indubitanter intimamus observari, videlicet ad nos veniendi manendi et recedendi, quod factum a vobis simili modo requirimus, ut nostri conterranei ad vos pergentes eo privilegio pacis observantur. Attendentes, quod litteras vestras sigillatas sigillo vestre civitatis sub hac forma, in modum cautionis, per latorem presentium nobis continuo rescribatis. In cuius rei testimonium et facti complementum sigillum iudicum omnium Herlingorum est appensum. Datum anno Domini M^o CCC^o XXI^o, in die Severini confessoris.

x

x

Fonds	Ostfriesisches Urkundenbuch, II
Fol.nr.	S. 649
Nr	1683
Olim	Gedr. Nijhoff, gedenkwaardigheden I. S. 195.
Jaar	1321
Datumcode	Severn

x

x

Materiaal	papier

x

Edities	E. Friedländer, Ostfriesisches Urkundenbuch II (Emden 1881), nr. 1683