| Nummer:oub1754 | Datum:8. Sept. 1411 | Overlevering:Editie | Vindplaats:Ostfriesisches Urkundenbuch, II, S. 716, nr. 1754 |
Der Pfarrer Meno von Jemgum und die Häuptlinge Hajo Addinga von Westerwolde und Hajo Ripperda von Farmsum legen einen Streit zwischen Focko Ukena und den Kindern des Eggerik Ewen zu Jemgum bei, indem sich der Häuptling von Westerwolde für Ewen's Kinder verbürgt und Focko ein Paar Ohrringe dazu bekommt.
Wy, her Meno kerckhere tho Jemgum, Hajo Addinga hovetlinck tho Westerwolt, und Hajo Ripperda, tho Farmzum hovetling, bekenne und tugen vor allen luden, dat wi hebben gededinget ein gude fruntschafft und ...[*]dar em tho beyden siden wol an genogede, alse tuschen Focke Ucken tho Lier und Egrick Ewen kinder tho Jemgum aldusdaner wise: ick Hajo Addinga tho Westerwolde bekenne und tuge, dat ick Focke Ucken vorheten hebbe van de kinder wegen viffhundert gulden, welcke ick dissen dag over ein jaer belove tho betalen bi miner ehren; des hefft Focke noch entfangen van Egrickes kinderen en paer ohrringe, so he sagte, dat se em thoquemen. Item wy Hajo Addinga und Hajo Ripperda bekenne und tuegen, dat wi disse vorg. stridige partyen, als Focke Ucken thor einen side und Egrickes kinderen an der anderen side, hebben untheten und gelovet bi unser ehren, truwen und geloven: welcker dissen soene und verdrag nicht holden wolde, dat wi den andern darup helpen willen und sullen mit allen unsen frunden, war wi konnen und moegen. Des tho tuge und faste tho holden hebbe wi, her Menno, Hajo Addinga und Hajo Ripperda, unse insegel hangen tho dissem breve. Nach Godes geboerthe Mo CCCCo und elven jaer, up unsers leven Frouwen dage nativitatis.
