| Nummer:par045 | Datum:1 mei 1411 | Overlevering:Origineel | Vindplaats:Arch. Parochiekerken, inv.nr. 0091, reg. 045 |
Johan Janszoen van Oestenwolde verklaart ontvangen te hebben van de kerkvoogden van Sunte Merten 'als van der stad wegen van Groningen en 'het mangeld voor zijn broeder Herman Janszoen de Scherre, wiens erfgenaam hij was en die ' in der stadreijse van Groninghen'was omgekomen, terwijl Wolter Ghysebertszoon, priester en vicarius te Zwolle, Reijner Johanszone burger aldaar en Johan Kistemaker burger te Vollenhoe, als naaste bloedverwanten van den verslagene en zijn broeder, zich er borg voor stellen, dat de stad Groningen hierover niet verder zal worden aangesproken.
Ick Johan Jans zoen van Oostenwolde make kond ende kondich allen lueden mit desen openen breve dat ick
hebbe ontfanghen van den vogheden der kerke to Sente Merten in Groninghen als van der stad weghen
van Groninghen dat man ghelt van Herman Jans zoen de scherre de in Groninghen plach to wonen ende
de in der stad reyse van Groninghen doed bleef de miin ende daer ick een recht erfghename van
byn to den vors. man ghelde Endo schelde de stad van Groninghen ende alle de ghene de in Groninghen
wonachtich ziin vrii. quiit ende loes van alle ansprake des vors. man gheldes also dat ick of myne erfgenamen
of nemend van myner weghen de vors. kerckvogheden noch de stad van Groninghen noch neghenen man
de daer bynnen wonachtich is nummer meer ued anspreken en sal of en mach van mynes doden broders
manghelde vors. Ende wy Wolter Ghyseberts zoen prester ende vicarius der stad van Zwolle ?. Reyner
Johans zoene borgher in Zwolle ende Johan Kistemaker borgher to Vollenhoe naeste maghe to Jan Janszoen vors.
loven in desen breve daer gued vor to wesen der stad van Groninghen vor de ghemene vriende ende maghe des vors.
Hermans ende Jans vors. dat se daer neghenex ansprake meer van lijden en zullen van der vors. sake weghen al
arghelist uet ghesproken In een tuech der waerheyt so hebben wy Wolter preyster vors. ende R?..Johans zoen vors.
onse seghele an desen breef ghehanghen vor Jan Jans zoen vor Jan Kistenmaker vors. ende vor ons ende vors.
erfgenamen daer ons Jan Jans zoen ende Jan Kistemaker vors. to dessen tiit wel anghenoghet van ghebrek van onsen
seghelen. Ghegeven in den jaer ons heren dusent vyer hondert ende elven up Sente Wolberge dach in den meye.
hebbe ontfanghen van den vogheden der kerke to Sente Merten in Groninghen als van der stad weghen
van Groninghen dat man ghelt van Herman Jans zoen de scherre de in Groninghen plach to wonen ende
de in der stad reyse van Groninghen doed bleef de miin ende daer ick een recht erfghename van
byn to den vors. man ghelde Endo schelde de stad van Groninghen ende alle de ghene de in Groninghen
wonachtich ziin vrii. quiit ende loes van alle ansprake des vors. man gheldes also dat ick of myne erfgenamen
of nemend van myner weghen de vors. kerckvogheden noch de stad van Groninghen noch neghenen man
de daer bynnen wonachtich is nummer meer ued anspreken en sal of en mach van mynes doden broders
manghelde vors. Ende wy Wolter Ghyseberts zoen prester ende vicarius der stad van Zwolle ?. Reyner
Johans zoene borgher in Zwolle ende Johan Kistemaker borgher to Vollenhoe naeste maghe to Jan Janszoen vors.
loven in desen breve daer gued vor to wesen der stad van Groninghen vor de ghemene vriende ende maghe des vors.
Hermans ende Jans vors. dat se daer neghenex ansprake meer van lijden en zullen van der vors. sake weghen al
arghelist uet ghesproken In een tuech der waerheyt so hebben wy Wolter preyster vors. ende R?..Johans zoen vors.
onse seghele an desen breef ghehanghen vor Jan Jans zoen vor Jan Kistenmaker vors. ende vor ons ende vors.
erfgenamen daer ons Jan Jans zoen ende Jan Kistemaker vors. to dessen tiit wel anghenoghet van ghebrek van onsen
seghelen. Ghegeven in den jaer ons heren dusent vyer hondert ende elven up Sente Wolberge dach in den meye.
x
| Archief | Groninger Archieven |
|---|---|
| Fonds | Arch. Parochiekerken |
| Toegangsnummer | 1539 |
| Inventarisnr. | 0091 |
| Regestnr. | 045 |
| Register Feith | 1411.007 |
| Jaar | 1411 |
| Datumcode | Walbur |