| Nummer:par204 | Datum:25 september 1464 | Overlevering:Origineel | Vindplaats:Arch. Parochiekerken, inv.nr. 0418, reg. 204 |
Burgemeesteren en Raad in Groningen oorkonden, dat Peter Knokenhouwer voor hen verklaarde verkocht en overgedragen te hebben aan de gemeene priesters 'de gremio'te Sunte Merten een jaarlijksche rente van zes gulden, te beuren uit zijn huis en hofstede met toebehooren aan de oostzijde van de 'Botteringcstrate', met last hiermee jaarlijks Roloff Knokenhouwer en Styne diens echtgenoot elk met een klein pond was vigilien en missen te begaan, en 't overblijvende tot koorpenningen onder voorn. priesters te verdeelen, met bepalingen omtrent wederinkoop dezer rente (n).
Wy borgermestere ende Raed in Groningen betugen myt dessen openen breve dat voer ons is gekomen Peter
knokenhouwer ende bekande voer em ende sine erffgenamen dat hie hevet verkofft upgedragen ende overgegeven
den gemenen priesteres to sunte Merten in onser stad die de gremio sint ende oeren nakomelingen ses gulden
jaerliker ende erffliker renten teyn onser stad vlegers voer datum dessen breves gemuntet offte payment dat daer
guet voer is voer elken gulden gerekent jaerlix te boren alze stad recht is uut sinen huuse mytter hofsteden achter
ende voer myt alle sinen to behoren gelegen ande oester zyde in Botteringe strate ende plach wandager to te horen
Johan Egberssoen daer Peters vorscr. ander huus naest by licht up de norder zyd ende Evert Sanders erffgenamen
huus up de zuuder zyd vry ende quijt voor ene summe geldes de Peter vorscr. bekande dat Em vull ende all is betalt
Myt vorworden tot ewigen dagen jaerlix salige Roloff knokenhouwer ende Stynen sinen echten wyve........ salmen
Elkes jaers begaen elk myt enen cleynen punde wasses myt vigilien ende myssen up oer jaertyden van desse
vorscr. rente Ende dat ander to koerpenningen te geven den vorgen. priesteren Hiir is togesproken dat Peter vorscr.
offte sine erffgenamen desse vorscr. ses gulden rente mogen weder aff vry ende quyt kopen wanneer Em des
genoget myt hundert gulden vorscr. payments Ende als desse vorscr. rente gelosset wort so salmen dat gelt altyt
weder beleggen in rente na manieren als vorscr. is sunder argelist. Dat Orkonde wy myt onser stad zegell Ghegeven
inden jaer ons heren dusent vierhundert vierendetsestich des dinxdages voer sunte Mycheels dage Doe Gosen
vanden Grave, Otto ter Hanzow, Johan Rengers Scafferssoen ende Johan Tedema borgermestere waeren onser stad.
DORSO: Swarte Joanneken int w....van Wolter Tamminghe VI ar. g.
knokenhouwer ende bekande voer em ende sine erffgenamen dat hie hevet verkofft upgedragen ende overgegeven
den gemenen priesteres to sunte Merten in onser stad die de gremio sint ende oeren nakomelingen ses gulden
jaerliker ende erffliker renten teyn onser stad vlegers voer datum dessen breves gemuntet offte payment dat daer
guet voer is voer elken gulden gerekent jaerlix te boren alze stad recht is uut sinen huuse mytter hofsteden achter
ende voer myt alle sinen to behoren gelegen ande oester zyde in Botteringe strate ende plach wandager to te horen
Johan Egberssoen daer Peters vorscr. ander huus naest by licht up de norder zyd ende Evert Sanders erffgenamen
huus up de zuuder zyd vry ende quijt voor ene summe geldes de Peter vorscr. bekande dat Em vull ende all is betalt
Myt vorworden tot ewigen dagen jaerlix salige Roloff knokenhouwer ende Stynen sinen echten wyve........ salmen
Elkes jaers begaen elk myt enen cleynen punde wasses myt vigilien ende myssen up oer jaertyden van desse
vorscr. rente Ende dat ander to koerpenningen te geven den vorgen. priesteren Hiir is togesproken dat Peter vorscr.
offte sine erffgenamen desse vorscr. ses gulden rente mogen weder aff vry ende quyt kopen wanneer Em des
genoget myt hundert gulden vorscr. payments Ende als desse vorscr. rente gelosset wort so salmen dat gelt altyt
weder beleggen in rente na manieren als vorscr. is sunder argelist. Dat Orkonde wy myt onser stad zegell Ghegeven
inden jaer ons heren dusent vierhundert vierendetsestich des dinxdages voer sunte Mycheels dage Doe Gosen
vanden Grave, Otto ter Hanzow, Johan Rengers Scafferssoen ende Johan Tedema borgermestere waeren onser stad.
DORSO: Swarte Joanneken int w....van Wolter Tamminghe VI ar. g.
x
| Archief | Groninger Archieven |
|---|---|
| Fonds | Arch. Parochiekerken |
| Toegangsnummer | 1539 |
| Inventarisnr. | 0418 |
| Regestnr. | 204 |
| Register Feith | 1464.005 |
| Jaar | 1464 |
| Datumcode | MaMichae |