Burgemeesteren en Raad in Groningen oorkonden, dat mr. Albert die barbierer in de Ebdingestrate voor hen verklaarde verkocht en overgedragen te hebben aan Gheert Entens een jaarlijksche rente van 3 gulden, te beuren uit zijn huis, hofstede, met de nieuwe 'kameren'en verder toebehooren, gelegen aan de Westzijde in Ebdingestrate, en voorts uit al zijn overige goederen; met bepaling omtrent wederinkoop dezer rente.

Wy borgermestere ende Raed in Groningen betugen myt dessen openen breve dat voer ons is gekomen meyster
Albert die barbierer in de Ebdinge strate ende bekande voer em ende sine erffgenamen dat hie hevet verkofft
up gedragen ende overgegeven Gheert Entens ende sinen erffgenamen drie gulden Erffliker ende jaerliker renten
Teyn zwarte stuvers voer datum desbreves gemuntet offte payment dat daer guet voer is voer elken gulden gerekent
jaerlix to boren alze stadrecht is uut sinen huuse mytter hofsteden ende mytter nyer kamere daer achter gelegen
achter ende voer myt alle sinen tobehoren gelegen ande wester zyde in Ebdingestrate daer Engelbert scomakers
huus naest by licht ande norderzyd ende Wolter hopenbinders huus ande zuuderzyd Ende voert uut alle syn ander
guet oeck waer dat gelegen is vry ende quyt voer ene summe geldes die meyster Albert vorscr. bekande dat en vul
ende all is betaelt. Hiir is togesproken dat meyster Albert vorscr. offte sine erffgenamen desse vorscr. drie gulden
rente mogen weder aff ende quyt kopen wanneer em des genoget myt vyfftich gulden vorscr. payments sunder
argelist. Dat Orkonde wy myt onser stadzegell Ghegeven inden jaer ons heren dusent vierhundert
tweendetsoventich up sunte Calixtus dach Doe Herman Koning, Johan Rengers Scafers, Johan Tedema ende Johan
Koenrades borger mestere waeren onser stad.

x

x

Archief	Groninger Archieven
Fonds	Arch. Parochiekerken
Toegangsnummer	1539
Inventarisnr.	0422
Regestnr.	261
Register Feith	1472.008.2
Jaar	1472
Datumcode	Calixt

x

x

x

x

Materiaal	perkament