Burgemeesteren en Raad in Gronyngen oorkonden, dat procuratoren der Armen Huissitten voor hen verklaarden verkocht en overgedragen te hebben aan Geertrud , 'nichte' van Fenne Knokenhouwers een lijfrente van 7 Arnhemsche gulden, jaarlijks uit al hun goederen te beuren, met de bepaling dat zij Fenne Knokenhouwers na den dood van Geertrude jaarlijks met een klein pond was in de St. Meertenskerk begaan zullen.

Wy Borgermestere ende Raedt in Gronyngen betugen mit dessen openen breve dat voer ons sint gekomen de
procuratoers der armen huussittenen in onser Stadt ende bekanden voer em ende oren nakomelingen procuratoeren
dat se hebn verkofft opgedragen ende overgegeven Geertrud Fenne knokenhouwers nichte soven arnemsen gulden
lyffrente vyff eemder jagers voerden gulden gerekent voer datum dessen breves gemuntet offte payment dat daer
guet voer is jaerlix to betalen als stadt recht is To boren ende to manen uut alle der armen vorscr. guederen woe
offte waer de oock gelegen synt buten Gronyngen offte binnen Gronyngen vry ende quyt erffliken vry daer uut to
waren oer levent lanck ende niet langer voer ene summe geldes de de procuratoeren vorscr. bekanden dat
om vull ende all is betaelt tot behoeff der armen Oeck sint vorwerden dat de procuratoeren vorscr. sullen Fennen
knokenhouwers vorscr. (sic) begaen jaerlix mit een cleyn pont wasses in sunte Meertens kercke na Geertrudes
vorscr. doet erffliken ende ewliken sonder argelist Dat orkonde wy mit onsser Stadt Segell Ghegeven inden jaer ons
heren dusent vierhondert ende Tnegentich op sunte Clemens dach Do Sweder Kater, Herman Potter, Coppyn
Yarghes Ende Roleff Mepsche borgermestere waeren onsser Stadt.

x

x

Archief	Groninger Archieven
Fonds	Arch. Parochiekerken
Toegangsnummer	1539
Inventarisnr.	0358
Regestnr.	389
Register Feith	1490.001
Jaar	1490
Datumcode	Clemen

x

x

x

x

Materiaal	perkament