Burgemeesteren en Raad in Groningen oorkonden, dat Rotger Tesens voor hen verklaarde voor den duur van 36 jaar gehuurd te hebben van Mr. Willem Frederici en Mr. Peter Conrades, kerkheeren van St. Meerten, en van de priesters de gremio aldaar een stuk land groot 15 roeden in de Woert, ten Westen aan de straat grenzende tegen een jaarlijksche huur van een gouden Rijnsche gulden en 2 oude stadsjagers, te betalen op Paschen, met bepalingen omtrent de opstal, bevreding van het perceel, en onder vaststelling van het recht van naarhuur.

Wy Borgermeistere ende Raed in Groningen betugen myt dessen openen breve dat vor ons is gekomen Rotger
Tesens ende bekande vor em ende sine erffgenamen dat he hevet gehuert ende gepachtet van de Ersamen Meyster
Willem Ffredrick ende Meyster Peter Conrades onsen kerckheers inder tyd to sunte Merten mytten priesters de
gremio ende oeren nacomelingen vyffteyn roden landes inde Woert an dat wester eynde by der straten gelegen
daer de verscr. priestere landt an beyden syden naest by ter swette licht vry ende quyd to bruken sesendedertich
jar lanck na datum des brieffs naestkomend des jars vor enen golden rynsen gulden ende twe olde stad
jagers offte de weerde dager voer als de ene coepman den anderen vor onser Stad wage inder komenschaep de
betaelt jarlix des paeschens to betalen Mede sint verwerden offte Rotger verser. offte sine erffgenamen den golden
gulden jarlix so niet en betaelden als vorscr. is so sal dat land altyd vry wesen tot behoeff der priestere vorscr.
oeren vryen willen mede to doende Des so sal Rotger dyt verser. erve betymmeren bewonen offte bewonen laten
Ende offte dat tymmer dar god vor sy affbrande ende dan nyet weder tymmeren lete so solden de jarmalen dan
weder vry wesen vanden lande de priesteren oeren vryen willen mede to doende Ende wes up den lande gepotet
word sal tendes den jarmalen daer up bliven tot beboeff der priesterren verscr. Ende sullen dat land bevreden dat
der pristere andere land daer ghenen scaden van en hebben Ende Rotger vorscr. offte sine erffgenamen mogen
tendes den jaeren vorscr. de naeste voerd totten lande wesen inde huere to beholden daer een ander dan dat vor
hebn will sunder argelist. Dat Orkunde wy myt onser Stadt Secreet Ghegeven inden jar ons heren dusent
vierhundert achtendetnegentich des wonnesdages na sunte Ma thias apostel.

x

x

Archief	Groninger Archieven
Fonds	Arch. Parochiekerken
Toegangsnummer	1539
Inventarisnr.	0504
Regestnr.	458
Register Feith	1498.003.3
Jaar	1498
Datumcode	EpMatthi

x

x

x

x

Materiaal	perkament