| Nummer:par460 | Datum:4 febr. 1499 | Overlevering:Origineel | Vindplaats:Arch. Parochiekerken, inv.nr. 0414, reg. 460 |
Johannes Gloede, vicarius toe Sunte Merten verklaart na zijn dood 'voer een testament'over te dragen aan Mr. Johan Alberti 'onse capellaen, preester ende vicarius to Sunte Merten ' de levenslange vruchtgebruik van zijn erf en toebehooren met de opstal buiten de 'Heerstrate poerte bij der Scae esch' en voorts zijn kamer 'an der Stadmure'tusschen Ebbinghc en Botteringc poorte, welke beide schenkingen na Johan Alberti's dood aan de priesters de gremio to Sunte Meerten zullen komen en met last voor Mr. Johan en later priesters ten opzichte van het tweede zijn dienstmaagd Else Wapers levenslang de huur dezer kamer uit te keeren; voorts schenkt hij aan voorn. Mr. Johan zijn kamer achter de scholen to Sunte Merten, hem ten opzichte hiervan aan het instrument van den notaris Nicolaus Poet houdende.
Ick Johannes Gloede prester ende vicarius toe sunte Merten in Groningen doe kundich vermids desen mynen
beseghelde breve voer mij ende mijnen erffgenamen dat ick uuet ghueden vryen wyllen ende voerberaden moede
ende wetenheyt ghesunt ende rnachtich mynre vijff synnen ende reden sunder yenich bedroch off te valsheijt mer
gans puerlycken omme ghodes wyllen ende sunderlinghe waldaet an mij bewesen draghe op ende gheve over als
voer een testament voer mij ende mynre waldaders syelen salicheyt sunder yenich wederropen mester Johan Alberti
onsen Capellaen preester ende vicarius to sunte Merten in Gronyngen dat gan se alynghe erve mijt synen toebehoer
achter ende voer mijt de cameren ende allen dat daer opsteet so als ick dat tot deser tijt toe ghebruket hebbe
gheleghen buten der Heerstrate poerte byden Scraeesch in dat oesten daer Johan Poelmans land naest bylicht ter
zwette in dat sueden na mynre doet ende nyet eer toe bruken ende toe besitten synen vryen wyllen daer mede toe
doen waer he oeck wonende off residerende sy sunder yemants inseggen syn levent lanck ende nijet langher Ende
als Meyster Johan Capellaen vorscr. uuter tyd is soe sal dat vorscr. land mijt de tymmer dat dan daer op steet
hebben ende holden de presters de gremio vorscr. nae meyster Iohans doet iaerlix op myn sterff dach mij ende
heren Wigbolt Gloede ende Elsen myn moeder ende oeck Elzen Wepers als sie uuter tijt is beghaen elcken mijt een
Cleyn punt wasses nae ghewoente der kercken vorscr. ende sullen ghod den heren voer mij ende myn mede
bescreven ende voert daer ickt voer begheve truwelicken bidden tot ewyghen daghen Item noch so gheve ick oeck
meyster Iohan onsen Capellaen na mynre doet een camer myt allen synen toe behoeren soe als ick die nu bruke
ende sus langhe ghebruket hebbe gheleghen an der stad muren tusschen Ebbinghe ende Botteringhe poerte daer
die van Selwerdis camer naest by licht ter zwetten in dat oesten Ende der armer huessitten camer in dat westen toe
bruken ende toe besitten synen vryen wyllen daer oeck mede toe doen syn levent lanck ende niet langher
beholdelick dat meyster Johan vorscr. sal Eisen Wepersmynre maghet myt der hure van der vorscr. camere iaerlix
als he die boert toe hulpe comen hoer levent lanck Ende offte meyster Johan vorscr, storve voer Elsen vorscr. soe
lal nochtans Else die hure allyke boren oer levent lanck Ende als meyster Johan ende Else vorscr. beyde uuter tijd
synnen soe sullen die presters de Gremio toe sunte Merten oeck desse vorscr. camer hebben ende holden ende nijet
eer Item noch seo gheve ick meyster Johannes den capellaen vorscr. de camere achter de scholen to sunte Merten na
mynre doet syn levent lanck toe bruken ende toe besitten ende dat nae lude ende vermoeghe eens instrumen tes dat
her Nicolaus Poet notarius ghescreven hevet Ende ick meyster Iohan vorscr. ghedaen hebbe daer hie sick nae
richten ende holden mach sonder alle arghelist ende nije vonde Hyer synt an ende over gheweest Gherardus van
Ghemert die schoelmeyster Ende Johan schroeder als tughesluden hyer toe gheeschet ende gheropen In oerkunde
ende merer vesteninghe der waerheyt hebbe ick Johannes Gloede prester ende vicarius vorscr. myn eghen seghel
beneden an dessen breeff ghehanghen Ende noch toe merer vestynghe heb ick ghebeden den eersamen
hoechgeleerden meyster Jacop Spyck van Collen doctoer in rnedicinen phisicus onser stad desen breeff mede over
mij to beseghelen Ende ick meyster Jacop Spyck van Collen doer begheerten heer Johans vorscr. ende oeck om
bede wylle meyster Iohans capellaen vorser. hebbe myn seghel mede an desen breeff ghehanghen Gegeven int iaer
ons heren dusent vierhundert ende negenendetnegentich des maendaghes na onser lever vrouwen dach
purificationis etc.
beseghelde breve voer mij ende mijnen erffgenamen dat ick uuet ghueden vryen wyllen ende voerberaden moede
ende wetenheyt ghesunt ende rnachtich mynre vijff synnen ende reden sunder yenich bedroch off te valsheijt mer
gans puerlycken omme ghodes wyllen ende sunderlinghe waldaet an mij bewesen draghe op ende gheve over als
voer een testament voer mij ende mynre waldaders syelen salicheyt sunder yenich wederropen mester Johan Alberti
onsen Capellaen preester ende vicarius to sunte Merten in Gronyngen dat gan se alynghe erve mijt synen toebehoer
achter ende voer mijt de cameren ende allen dat daer opsteet so als ick dat tot deser tijt toe ghebruket hebbe
gheleghen buten der Heerstrate poerte byden Scraeesch in dat oesten daer Johan Poelmans land naest bylicht ter
zwette in dat sueden na mynre doet ende nyet eer toe bruken ende toe besitten synen vryen wyllen daer mede toe
doen waer he oeck wonende off residerende sy sunder yemants inseggen syn levent lanck ende nijet langher Ende
als Meyster Johan Capellaen vorscr. uuter tyd is soe sal dat vorscr. land mijt de tymmer dat dan daer op steet
hebben ende holden de presters de gremio vorscr. nae meyster Iohans doet iaerlix op myn sterff dach mij ende
heren Wigbolt Gloede ende Elsen myn moeder ende oeck Elzen Wepers als sie uuter tijt is beghaen elcken mijt een
Cleyn punt wasses nae ghewoente der kercken vorscr. ende sullen ghod den heren voer mij ende myn mede
bescreven ende voert daer ickt voer begheve truwelicken bidden tot ewyghen daghen Item noch so gheve ick oeck
meyster Iohan onsen Capellaen na mynre doet een camer myt allen synen toe behoeren soe als ick die nu bruke
ende sus langhe ghebruket hebbe gheleghen an der stad muren tusschen Ebbinghe ende Botteringhe poerte daer
die van Selwerdis camer naest by licht ter zwetten in dat oesten Ende der armer huessitten camer in dat westen toe
bruken ende toe besitten synen vryen wyllen daer oeck mede toe doen syn levent lanck ende niet langher
beholdelick dat meyster Johan vorscr. sal Eisen Wepersmynre maghet myt der hure van der vorscr. camere iaerlix
als he die boert toe hulpe comen hoer levent lanck Ende offte meyster Johan vorscr, storve voer Elsen vorscr. soe
lal nochtans Else die hure allyke boren oer levent lanck Ende als meyster Johan ende Else vorscr. beyde uuter tijd
synnen soe sullen die presters de Gremio toe sunte Merten oeck desse vorscr. camer hebben ende holden ende nijet
eer Item noch seo gheve ick meyster Johannes den capellaen vorscr. de camere achter de scholen to sunte Merten na
mynre doet syn levent lanck toe bruken ende toe besitten ende dat nae lude ende vermoeghe eens instrumen tes dat
her Nicolaus Poet notarius ghescreven hevet Ende ick meyster Iohan vorscr. ghedaen hebbe daer hie sick nae
richten ende holden mach sonder alle arghelist ende nije vonde Hyer synt an ende over gheweest Gherardus van
Ghemert die schoelmeyster Ende Johan schroeder als tughesluden hyer toe gheeschet ende gheropen In oerkunde
ende merer vesteninghe der waerheyt hebbe ick Johannes Gloede prester ende vicarius vorscr. myn eghen seghel
beneden an dessen breeff ghehanghen Ende noch toe merer vestynghe heb ick ghebeden den eersamen
hoechgeleerden meyster Jacop Spyck van Collen doctoer in rnedicinen phisicus onser stad desen breeff mede over
mij to beseghelen Ende ick meyster Jacop Spyck van Collen doer begheerten heer Johans vorscr. ende oeck om
bede wylle meyster Iohans capellaen vorser. hebbe myn seghel mede an desen breeff ghehanghen Gegeven int iaer
ons heren dusent vierhundert ende negenendetnegentich des maendaghes na onser lever vrouwen dach
purificationis etc.
x
| Archief | Groninger Archieven |
|---|---|
| Fonds | Arch. Parochiekerken |
| Toegangsnummer | 1539 |
| Inventarisnr. | 0414 |
| Regestnr. | 460 |
| Register Feith | 1499.012 |
| Jaar | 1499 |
| Datumcode | LpPurMar |