| Nummer:par595 | Datum:6 sept. 1510 | Overlevering:Origineel | Vindplaats:Arch. Parochiekerken, inv.nr. 0008, reg. 595 |
De pastoors der kerken t Sunt Merten, t Sunte Walborghc, en Onser Liever Vrouwen ter Ae, en Burgemeesteren en Raad in Groningen oorkonden, dat de procuratoren der Mijnre Broderen van der Observancie voor hen verklaarden 'bij onser rade ende weten soe volle ons des toekompt 'verkocht en overgedragen te hebben aan de voogden der kerken voornoemd, 2 stukken land resp. 59 en 50 grazen groot, gelegen bij Oestum en bij Katers Cruce, terwijl met neen gedeelte der ontvangen koopsom verschillende verplichtingen, waarmaa de Minderbroeders eertijds door de ongereformeerde broeders van het gemeene leven bezwaard waren, zijn afgekocht. De gardiaan, senioren en gemeene broeders van het convent voegen hieraan de verklaring toe dit stuk mede bezegeld te hebben.
Borgermestere ende Raad in Groningen bekennen ende betughen mit dessen openen breve dat voer ons sint
ghekomen de procuraetoren der mynre broderen vander observancie in onser Stad ende bekanden vor hem ende
hoeren nakomelinghen procuratoeren dat se hebn verkofft upgedraghen ende overgegeven by onsen rade ende
weten so voele ons des to kompt den vogeden van sunte Merten van Sunte Walborghe ende van onser liever
vrouwen ter Ae kerken in onser Stad to behoeff der kerken vors. ende hoeren .......... linghen Twe stucke landess dat
ene daer aff van neghendevyfftich grase landes gelegen toe Oestum daer dat Convent van Adewert tot allen syden
naast by gelandet is ende dat ander stucke van vyfftich grase landes gelegen by Katerscruce daer tconvent van
Selwert up de suder sydt ende Lewe Volk up de norder zyd naent by ter swette legghen streckende oestwert up an
den Cleywegh vry ende quyd erffliken ende eweliken to bruken ende to besitten hoeren vryen willen daer mede to
doende voer ene summa gheldes de de procuratoers vors. bekanden dat om vull ende all is betaalt ende mit segel
ende breve bewiset ende versekert sint tot behoeff des vors. Convents Oeck mit een deel des vors. gheldes de
proveners daer mede tvors. Convent van den ongereformeerden broderen vanden ghemenen levende voertides
beswaert ende belastet is ghewest mede affghekofft ende affgesat sint so de Ghardiaen mitten presidente des voers.
Convents ende de procuratoers vorgen. dat voer ons oeck bekant hebn sunder argelist. Dat orkonde wy pastoren
vanden dren kerken ende wy Borgermestere ende Raad vorgen. mit onse seghelen ende tot merer vesticheit hebn
wy Ghardiaen mitten senioren ende ghemeen broders des vors. Convents voer ons ende onse nakomelinghen onse
Convents Seghel mede an desse breeff ghehanghen. Ghegeven inden yaere ons heren dusent vyffhundert ende
teyn des vrydaghes voer Nativitatis Marde doe Herman Lewe, Johan Scaffer, Peter Sickinghe ende Lluloff
Conrades Borgermestere waren onser Stadt.
| Archief | Groninger Archieven |
|---|---|
| Fonds | Arch. Parochiekerken |
| Toegangsnummer | 1539 |
| Inventarisnr. | 0008 |
| Regestnr. | 595 |
| Register Feith | 1510.004.1 |
| Jaar | 1510 |
| Datumcode | VaNatMar |