Burgemeesteren en Raad in Groningen oorkonden, dat Clawes Wattens en Hadewich, echtel. voor hen verklaarden verkocht en overgedragen te hebben aan de procuratorschen van het Onser Liever Vrouwen ter Noet altaar in Sunte Mertens kerk eenig land buiten de Oesterpoerte, namelijk vijf akkers 'bij dat gherichte '; een akker 'bij de stortinghc ons heren' streckende van den Oesterwech toe den Westerwech ... ende dyt is bij de eerste stortinghc 'anderhalve akker. 'streckende van den Oosterwech an de Myddelwant; 'dat halve lant daer Tekenborgh up woent'' 'dat halvelant, dat johan Berendes brukct'; een venne lands 'daer de Mewert naest bij licht up de Sueder sijd ... streckende up dat Schutendeep', een en ander mede gegeven, voer een ewich testament 'en met last hiervoor verkoopers jaarlijks elk met een klein pond was na hun dood te begaan.

Wy Burgermestere ende Raed in Groningen betugen myt dessen openen breve dat voer ons sint ghekomen Clawes
Wattens ende Hadewich syn echte huesfrouwe ende bekanden voer hem ende hoeren erffghenamen dat se hebn
verkoft upghedragen ende overgegeven den procuraeterschen van onser liever vrouwen ter noet altaer in sunte
Mertens kerke in onser Stad tot behoeff onser liever vrouwen loff sodane land hyr na beschreven buten Oester
poerte gehelegen inden eersten vyff acker landes by dat gherichte daer van de myddelste vanden vyven doer gheet
van den enen wech toe den ander ende de andere veer ackers gaen an de myddelwant daer dat gherichte by licht up
de sueder syd ende Lluloff Yarghes up de norder sydt Bet een acker by de stortinghe ons heren streekende vanden
Oesterwech toe den Westerwech daer Yde Wattens naest by ter swette licht up de ene syt ende dyt is by de eerste
stortinghe. Bet ander halff acker streckende vanden Oesterwech ande myddelwant Bet dat halve land daer
Tekenborch up woent daer Abel Grovynge by licht ter swette up de sueder syd ende de olden molenberch up de
norder syd Bet dat halve land dat Johan Berendes bruket tendes an dat ander lant tusschen de twe molen Bet
een venne landes daer de Mewert naest by licht up de sueder syd ende Thymen Koyter up de norder syd streckende
up dat Schutendeep vry ende quyt eweliken ende erffliken to bruken ende toe besitten ende vry erffliken toe waren
voer alle ansprake ende voer alle de ghene de myt rechte daer up spreken mogen voer ene summe geldes de Clawes
ende Hadewich voers. bekanden dat hem vullende all is betaelt Oeck so hebben Clawes ende Hadewich vors. dyt
vorgen. land voer een ewich testament mede gegeven onser liever vrouwen om hoere sielen salicheyt ende voer
oere vrenden daert van heergekomen ys. Des soe solen de procuraetoeres voers. tot ewigen daghen weder laten
beghaen Clawes ende Hadewich vors. als se neet en sint up hoer sterffdach elk mit een cleyn punt wasser na
ghewoente der voers. kerke, sunder arghelist. Dat Orkonde wy mit onser Stat Seghel Ghegeven inden yaere ons
heren dusent vyffhundert ende derteyne des donredaghes voer Nye yaers dach do Hermen Lewe, Johan Schaffer,
Peter Sickinghe ende Lluloff Conrades Burgermestere waren onser Stat.

x

x

Archief	Groninger Archieven
Fonds	Arch. Parochiekerken
Toegangsnummer	1539
Inventarisnr.	0097
Regestnr.	630
Register Feith	1513.011
Jaar	1513
Datumcode	JaCirDom

x

x

x

Materiaal	perkament