Burgemeesteren en Raad in Groningen oorkonden, dat Abele, weduwe van mr. Johan Canters voor hen verklaarde 'in forme ende maneren oeres testamentes ende uterste wylle'overgedragen te hebben aan voogden van Onser Leven Vrouwenkerk ter Ae de jaarlijksche rente, waarvan de brief spreekt, waardoor deze brief getransfigeerd is 'als een almisse 'voer haar en harer vrienden zaligheid, met last verschillende nader aangeduide personen elk met een klein pond vigilien en gebeden te begaan.

Wy Borgemesteren ende Raidt in Groningen betuegen myt desen openen breve dat voir ons is gekomen Abele
salige mester Johan Canters nagelatenen wedue ende bekande voir hoir ende aeren erfgenamen dat se hevet
upgedragen ende avergegeven an formen ende maneren oeres Testamentes ende uterste wylle den vaegeden van
onser lieven vreuwen karcken ter Ae bynnen onser Stadt vorscr. tot behoeff der vorscr. karcken sodanen acht ende
twintichstehalff butken rente ende sesteyn vleemsche grote renten dair de breeff van spreket daer desse breeff doir
getoegen is vry ende quyt erflick ende ewelicke to brueken ende tho besitten alse ene almisse voir der vorgen.
Abelen ende oerer frunden salicheyt des so sal de vorgen. karcke sculdich ende geholden wesen den vorgen. mester
Johan Canter ende Abele vorscr. als se niet en is up paeschachtdagen ende mester Andreas en Ursula Canter
achtedagen na sunte Michaeel jairlix myt een cleen punt wasses vigilie ende anders gebeden na zeden der
vorgen. karcken to doen bedencken ende begaen sunder argelist dat Orkunde wy myt onser Stadt Segel Gegeven an
den iare onsen heren dusent vyff hundert ende sesteyn des frydages na Viti et Modesti martirum doe Coert
Coenrades, Peter Sickinge, Roeff Huynge ende Reynt Duertz Borgemesteren weren onser Stadt.

x

x

Archief	Groninger Archieven
Fonds	Arch. Parochiekerken
Toegangsnummer	1539
Inventarisnr.	0189
Regestnr.	640
Register Feith	1516.011
Jaar	1516
Datumcode	VpViti

x

x

x

Materiaal	perkament