Burgemeesteren en Raad in Groenynghe oorkonden, dat doctor Hugo van Nulo, persona der personaatschap, en mr. Ranck Koenynck, pastoors der beide kerken ter eene, en Jemme Allema en Everdt Allema ter andere zijde, voor hen verklaarden een ruil te zijn aangegaan met betrekking tot eenige landen in Rasquerder hammerick, Tynaldingc Valge, 'up de traen', 'yn dat olde landt', en 'an de sandtwech'-, waarvan elker grenzen nader omschreven worden 'beholtliken een ytlick hoer eghen diken, de up de vors. landen plechten tho vallen '.

Wy Borghermester ende Raedt yn Groenynghen betueghen myt desen openen breve dat vor uns synt ghekomen de
weerdighe ende hoichgheleerden Mester Hugo van Nulo persona der personaetschup doctoer ende mester Ranck
Koenynck pastoren ende de ghemene preesteren van sunte Marten ende sunte Walburge karcken yn unser Stadt
ende Jemme Allema myt Everdt Allema ende bekanden vor hem hoeren nakomelynghap ende arffgenamen dat se
myt den anderen hebben ghedaen enen ewyghen arffliken landtwyssel yn maneren als navolghet Inden eersten
draghen up ende gheven over Jemme ende Evert vorgen. vor hem ende hoeren arffgenamen yn enen ewyghen
landtwyssel den pastoren ende priesteren vorgen. ende hoeren nakomelynghen teyn jucke landes gheleghen yn
Rasquarder hemmerick daer de pastoren ende preesteren vorgen. selffs upt westen noerden ende oosten ende een
menne wech upt zuyden naest an gheswettet syn des loven Jemme ende Everdt vorscr. vor hem ende hoeren
arffgenamen de teyn jucke landes vorger. vry arffliken the waren Hir enteghens draghen up ende gheven aver de
pastoren ende preesteren vorgen. vor hem ende hoeren nakome lynghen yn enen ewyghen landtwyssel Jemmen
ende Everde vorgen. ende hoeren arffgenamen dre jucke landes yn Rasquerder hemmerick gheleghen daer Jemme
ende Everdt vorgen. selffs upt westen de pastoren vors vorscr. upt noerden ende oesten ende de menne wech upt
zuyden naest an gheswettet syn Bet een juck landes gheleghen up Tynaldynge valge daer Harmen Elevalt upt
oesten Enne Ebbens kyndes upt zuyden Bartholomeus van Noertwolde upt westen de ghemene wech upt noerden
naest an gheswettet syn Noch dre vorlynghe up Tynaldynge valge daer Julle Benens upt oesten des convents van
Selwardt landt upt zuyden Mense by den deel upt westen ende de ghemene wech upt westen unser Stadt landt myt
salighe Albart Roltemans arffgenamen upt noerden naest an ghelandet ys Noch achtyn vorlynge landes gheleghen
yndat olde landt daer Willem Menels upt westen de Syltucht myt de groene noetwech upt noerden ende Jemme
ende Everdt vorscr. upt oesten ende de Myddelwech upt zuyden naent an gheswettet syn Noch soeven vorlynghe
landes yn dat selve landt gheleghen daer Jemme ende Everdt vorscr. upt westen ende oesten den Myddelwech upt
zuyden naest swette syn Bet achte vorlynghe gheleghen ande Sandtwech daer sunte Laurents upt westen Meneke up
de Marne ande oester sydt naest an gheswettet syn dese vorgen. landen loven de pastoren ende preesteren vorscr.
vor hem ende hoeren naekomelynghen vry tho leveren ende warden Beholtliken een ytlick hoer eghen dyken de up
de vorscr. landen plechten tho vallen eer de vorgescr. wissel gheschach Sunder alle argelist dat oerkunde wy myt
Unser Stadt Segel Gegeven inden jaer unsen heren Dusent viffhundert een ende veertich up sunte Barbaren avendt
do Eltet tho Lellens, Reyner Garmens, Albart Jarges ende Bartolt Coenrades Borghermester weren unser Stadt.

x

x

Archief	Groninger Archieven
Fonds	Arch. Parochiekerken
Toegangsnummer	1539
Inventarisnr.	0447
Regestnr.	772
Register Feith	1541.018
Jaar	1541
Datumcode	vBarbar

x

x

x

x

Materiaal	perkament