| Nummer:ugk022 | Datum:29. Mai 1436 | Overlevering:Original | Vindplaats:Grimersumer Kiste, inv.nr. 022 |
Die Pfarrer von Pewsum und Canum u. A. bekunden, dass Ebbo in Pewsum mit Einwilligung seiner Frau Hesenna an Sebrand daselbst 4 1/2 Grase Landes, die Ymmynghamede, im Canumer Hammrich verkauft habe.
Nos Jaricus et Rembertus, ecclesiarum curati in Pewessum et in Kanynghum, Menso et Lyubbo cives in Pewessum, universis et singulis Christi fidelibus, ad quos presens litera pervenerit, cupimus fore notum presenti[*] recognoscentes, cum natura hominis debilis[*] est et labilis, idcirco scripturarum serie et testibus fidedignis solent perhennari. Hinc est, quod Ebbo civis in Pewessum iusto ac rato vendicionis tytulo, animo deliberato, maturo consilio prehabito ac propria[*] voluntate cum consensu uxoris Hesenne, vendidit seu vendidendo recognovit Sebrando, parochiano in Pewessum, quintum dimidium graminatum in limitibus Kanynghum, vulgariter dicta Ymmynghamede, pro quadam summula pecuniarum, que quidem summa Sebrandus emptor predictus Ebbodo persolvebat nostra in presencia plenarie, totaliter et cum effectu, dans ex hoc Ebbe prefatus venditor Sebrando per se aut per suos veros heredes aut suarum hereditatum successores predicta predia Sebrando utendi, cambiendi, vendidendi, alienandi aut quovismodo huiusmodi faciendi plenariam et meram in omnibus huiusmodi potestatem, omni dolo et fraude et novis invencionibus preexclusis. In huius rei testimonium sigilla nostrorum dominorum predictorum huic litere sunt annexa. Datum anno Domini MoCCCCo tricesimo sexto, tercia feria Penthecostes.
