| Nummer:ugk042 | Datum:24. Juli 1467 | Overlevering:Original | Vindplaats:Grimersumer Kiste, inv.nr. 042 |
Focko Ulgerdzna zu Jennelt verkauft dem Häuptling Aild Beninga zu Grimersum ein Gras Landes.
Ik Focko Ulgerdzna tho Genled[*] do wytlick unde kundych allen guden luden, de dussen breff zeen edder horen lesen, wo ik hebbe vorkoft Ayld Beninga, provest tho Hynt, hofftlinge tho Grimersum, eyn gras tyllandes, gheheten ende gheleghen in Boelsfeen, dar mii de erste pennig myt den lesten wol betalt ys; darumme so schelde ik ende myne[*] erfnamen Ayld ende syn erffnamen dat vorbescr. land vry ende quid vor alle ansprake, so dat he dat mach bruken, besitten, vorkopen, vorsetten, vorwesselen, war he wyl. Eyn orkunde dusses breves so hebben hyr by unde over west Focko Mertsna, Hayco Popkenna. In merer betugenisse so hebbe ik Focko vorbescreven ghebeden den vromen heren her Uken, kerchere tho Genled, dussen breff mii tho beseghelende, ende ik her Uko (hebbe) umme bede wyllen ende umme rechtverdycheyt wyllen Fockens myn ingesegel benedden an dussen breeff gehangen. Scriptum anno Domini millesimo quadringentesimo sexagesimo septimo, in vigilia beati Jacobi apostoli, tunc temporis feria sexta.
