De abdij te Assen geeft voor 22 Emder guldens aan Albert Janssen "een stede ende proeven yn onse cloester", mits hij "dije sump ofte swynhuijs, mijt alle dye ampten dye daerthoe hoeren" verzorge. Met medebezegeling door Steven Broeyls, schulte te Rolde.

Wy Reniko Janssens abdisse Margrieta van Eerten priorynne Margreta Traues keldersche
Catriena van Hesselynghe ..... mit dye gemene senioren des cloesters tho Assen bekennen unde betuij-
ghen mijt dessen openen ende bezeghelden bryeff voer ons ende onse nakomelynghen dat wy eendrachtelyck
myt gueden wylle ende consent hebben gegeven ter eerhen Godess Albert Janssen een stede ende proeven yn
onse cloester up alsodanijghe voerwerden dat Albert ver-screven sall dije sump ofte swynhuijs mijt alle dye
ampten dye daer thoe hoeren ....stych ende truwelyck bewaren syn gansse levent lanck so langhe alst
hee dat y.....meer vermach unde yn allen warcken wes hij doen kann sall hij wijllych wesen hye
sall des conventes profyt ende erhe altoes soeken ende doen, hoer schade schutten waer hij kan ende mach
Hye sall gaen eten ynt melckhuys reventer ende des dages halen uuth dye kelder een kroes bijrs alle yaren
sall hye hebben III ellen wit wandes, II hemden ende schoen tot nodruft. In syn kranckheyt salmen
hem ynt broer syeckhuijs gerack doen unde nha syn doot salmen mijt gewoentlycken gebeden mede
gedencken. Hijromme heft Albert verscreven dem convente verscreven gegheven XXII embder gulden unde heft
myts dijen bet uet den convente ..... tho wesen ijn allen dijnghen unde ijck Albert voerscreven
belove noch een froem eerlyck tuchtych .... levent tho voeren sunder .esmijttynghe des boesen
in.lustrynghe. .......... mijnre proevene unde ungevall ijck andern dede dant behoerlyck ijs
so sall ijck wesen onder der ffrouwen ende supprioers ghehoersaemheit ende correctije ghelyck dee ander
proveners. Unde .oft yck my mijt den .echten raet ofte yn ander saken dije des convents eerhe
muchten ..... ofte yn ander ghebrecklycke saken vell.. daer ijck desse vorwerden mede mucht
ynbreken ofte yn eenyghe andere manijren my doch wolde vant convent affgeven so sall desse
brijeff thoe nyet syn eende ijck sall gheen ansprake hebben up mijn guet dat yck nu hebbe replyck ofte onrep-lyck
unde wes mij noch ann mach sterven ofte wes ijck noch mach wynnen mit kopenscup ofte ander practy-
ken daer soelen mijn arffgenamen gheen ansprake up hebben mijt gheestlyck ofte werlycken rechten
mit nijewonden ofte ander lystycheit want yck d.. altosa-men na myn doot den verscreven convent gegeven ende
gegunnet hebbe. Inn oerkunde der waerheit hebben wij abdisse verscreven onse amptszeeghell onder an
desen bryeff gehangeen ende want ick Albert verscreven selven gheen e gebruycken so heb yck den Ersamen
Steven Broeijls schulte tho Rolde gebeden voer ende over mij tho bezeghelen het welcke ijck Steven
verscreven om Alberts verscerven beede wijlle heb gedaen ende heb mijn zeghel hijr ..... onder angehanghen
yn bywesen ......
Actum ynt yaer ons heren dusent vijffhondert tsoeve..... XIIII daghen nha paeschen.

x

x

Archief	Drents Archief
Fonds	Arch. Abdij Assen
Inventarisnr.	25
Regestnr.	155
Jaar	1570
Datumcode	14pPasche

x

x

Commentaar	De 2 zegels van de abdis ("amptezeeghell") en S. B. zijn verloren.

x

Materiaal	perkament

x