| Nummer:zdd036 | Datum: | Overlevering:Afschrift | Vindplaats:Arch. Drie Delfzijlen, inv.nr. 0274, reg. 036 |
Wy scheppe-
ren ende zylrechteren der drier zilvesten tho Delffzylen
bekennen ende betuegen in desen openen breve dat wij uns
saemptlyken beraden hebben up de begeerte de van uns
begeerdt hebben de Eersame heer Johan abt van Thesin-
ge der orden van sunte Benedictus ende de Eersame ab-
disse van Lutke Aedwerdt der orden van sunte Bernerdus
van enen tyl tho leggen in hoeren wech mijt schotdoeren daer
doer tho varen myt oeren schepen als hem unde oeren cloeste
ren nutte unde noet mach wesen buten unsen last van
oeren water in maneren hyr na bescreven: so wij gemach-
tiget ende bevolen hebben den Eersamen abt van Werum
unsen oversten schepper ende provest Unico schepper
van Dorpmene zylvesten Johan Renggher van den Pos-
te schepper van Slochter zijlvesten dijt thoverseen
ende so hyr in tho raden ende tho doen als hem nutte dum
ket daer men desse twe cloesteren hyr mede muchte helpen
ende unser drijer zylvestene mijt hoeren water nith belastet
worden so hebbe wij abt to werum Unico provest Johan
Renggher Egbert Rengghers schepperen voerscr. van unser
dryer zylvestenen wegen dat so doer geseen ende verdragen
mijt dessen twen cloesteren dat see moegen setten in hoeren
hoochsten wech enen tijl mijt ener schotdoeren ende den also
besorgen ende bewaren dat de lande ende de coepman daer wal
sunder enich hinder over drijven varen ende ryden
mach buten der lande hijnder offte schade ende de schot
doere daer voer al so dichte maken ende holden buten scha-
de ende hijnder unser drijer zijlvesten voerscr. offte iemant an-
ders ho dat unse zylvesten daer geen vroemet water daer doer
enkome in ienigerleije wijs. Item desse voerscr. schotdoere
sal to allen tiden gesloten wesen wanneer see daer neet doer varen
ende wanneer desse conventen daer doer willen varen offte
iemant van oerentwegen so sollen see de schotdoere voerscr. up
sluten mijt enen slotel ende dan weder tho sluten sunder
vertreck ende de dre zylvesten elck mach kaer enen slotel
van hebben de daer enen slotel van hebben wijl. Ende
weert sake dat hijr enich gebreck in velle so moegen
unse dre zijlvesten offte iemat (sic) van unser wegen den
tijl weder tho scheten ende den soelen de twe conventen
voerscr. offte nemant van oerent wegen daer na weder
up graven offte openen daer doer tho varen offte we
der veerdich tho maken ten sij bij willen unser drier
zijlvestenen van Delffzijlen voerscr. sunder argelist.
ende nie hulpreden offte nijevonde de hijr in unse
zijlvestenen voerscr. muchten hinderen in jeniger wijs. Item
hyr is tho gesproken dat see den tijl also sullen decken ende rib-
ben dat dee beesten de daer over gaen ende varen mijt getou al
so dat see vast moegen staen ende over gaen. Item hijr noch
tho gesproken dat de dre zijlvesten voerscr. offte ijtlijck van hem
moegen schouwen dessen tijl up broeke ende vinden see gebreck
lickheit in dessen tijl voerscr. dat moegen sie tho weten doen
ende beden int convent ten Buren offte to Thesinge offte
tho Lutke Aedwerdt waer dat hem best gelijket ende dat
sollen se dan beteren up al sulcken termijn kort offte lanck
als dat gebreck gelegen is ende hem to weten wort gedaen
ende gescheet des neet so moegen see den tyl to slaen als
voerscr. is sunder argelist ende den broeke daer uut manen
also dick als se brecklick sijn t van dat convent ten Bu-
ren offte van hoer meijers. In oerkunde ende tuechnis-
se der waerheit so hebben wij Tije abt to Werum pro-
vest Unico Johan Rengghers van den Poste ende Egbert
Renggher schepperen desser drijer zijlvestenen unse zege
len beneden an dessen breeff gehangen van wegen desser
drijer zijlvestenen voerscr. gegeven in den iare uns heren
dusen (sic) veerhundert acht ebnde tsestich des naesten vry-
dages voer unser lever vrouwen dach purificationis.
ren ende zylrechteren der drier zilvesten tho Delffzylen
bekennen ende betuegen in desen openen breve dat wij uns
saemptlyken beraden hebben up de begeerte de van uns
begeerdt hebben de Eersame heer Johan abt van Thesin-
ge der orden van sunte Benedictus ende de Eersame ab-
disse van Lutke Aedwerdt der orden van sunte Bernerdus
van enen tyl tho leggen in hoeren wech mijt schotdoeren daer
doer tho varen myt oeren schepen als hem unde oeren cloeste
ren nutte unde noet mach wesen buten unsen last van
oeren water in maneren hyr na bescreven: so wij gemach-
tiget ende bevolen hebben den Eersamen abt van Werum
unsen oversten schepper ende provest Unico schepper
van Dorpmene zylvesten Johan Renggher van den Pos-
te schepper van Slochter zijlvesten dijt thoverseen
ende so hyr in tho raden ende tho doen als hem nutte dum
ket daer men desse twe cloesteren hyr mede muchte helpen
ende unser drijer zylvestene mijt hoeren water nith belastet
worden so hebbe wij abt to werum Unico provest Johan
Renggher Egbert Rengghers schepperen voerscr. van unser
dryer zylvestenen wegen dat so doer geseen ende verdragen
mijt dessen twen cloesteren dat see moegen setten in hoeren
hoochsten wech enen tijl mijt ener schotdoeren ende den also
besorgen ende bewaren dat de lande ende de coepman daer wal
sunder enich hinder over drijven varen ende ryden
mach buten der lande hijnder offte schade ende de schot
doere daer voer al so dichte maken ende holden buten scha-
de ende hijnder unser drijer zijlvesten voerscr. offte iemant an-
ders ho dat unse zylvesten daer geen vroemet water daer doer
enkome in ienigerleije wijs. Item desse voerscr. schotdoere
sal to allen tiden gesloten wesen wanneer see daer neet doer varen
ende wanneer desse conventen daer doer willen varen offte
iemant van oerentwegen so sollen see de schotdoere voerscr. up
sluten mijt enen slotel ende dan weder tho sluten sunder
vertreck ende de dre zylvesten elck mach kaer enen slotel
van hebben de daer enen slotel van hebben wijl. Ende
weert sake dat hijr enich gebreck in velle so moegen
unse dre zijlvesten offte iemat (sic) van unser wegen den
tijl weder tho scheten ende den soelen de twe conventen
voerscr. offte nemant van oerent wegen daer na weder
up graven offte openen daer doer tho varen offte we
der veerdich tho maken ten sij bij willen unser drier
zijlvestenen van Delffzijlen voerscr. sunder argelist.
ende nie hulpreden offte nijevonde de hijr in unse
zijlvestenen voerscr. muchten hinderen in jeniger wijs. Item
hyr is tho gesproken dat see den tijl also sullen decken ende rib-
ben dat dee beesten de daer over gaen ende varen mijt getou al
so dat see vast moegen staen ende over gaen. Item hijr noch
tho gesproken dat de dre zijlvesten voerscr. offte ijtlijck van hem
moegen schouwen dessen tijl up broeke ende vinden see gebreck
lickheit in dessen tijl voerscr. dat moegen sie tho weten doen
ende beden int convent ten Buren offte to Thesinge offte
tho Lutke Aedwerdt waer dat hem best gelijket ende dat
sollen se dan beteren up al sulcken termijn kort offte lanck
als dat gebreck gelegen is ende hem to weten wort gedaen
ende gescheet des neet so moegen see den tyl to slaen als
voerscr. is sunder argelist ende den broeke daer uut manen
also dick als se brecklick sijn t van dat convent ten Bu-
ren offte van hoer meijers. In oerkunde ende tuechnis-
se der waerheit so hebben wij Tije abt to Werum pro-
vest Unico Johan Rengghers van den Poste ende Egbert
Renggher schepperen desser drijer zijlvestenen unse zege
len beneden an dessen breeff gehangen van wegen desser
drijer zijlvestenen voerscr. gegeven in den iare uns heren
dusen (sic) veerhundert acht ebnde tsestich des naesten vry-
dages voer unser lever vrouwen dach purificationis.
Geen afbeelding beschikbaar.
x
| Archief | Groninger Archieven |
|---|---|
| Fonds | Arch. Drie Delfzijlen |
| Toegangsnummer | 708 |
| Inventarisnr. | 0274 |
| Regestnr. | 036 |
| Jaar | 1468 |
| Datumcode | VaPurMar |