| Nummer:ahs388 | Datum:4 juli 1559 | Overlevering:Origineel | Vindplaats:Arch. Armhuiszittengasthuis, inv.nr. 0678, reg. 388 |
Wy Borghermesteren ende Raedt yn Groninghen betugen mit desen openen breve dat voer ons is gekomen Hille salighe Hinrick
Roeloffs nagelaten weduwe ende bekande voer hoer ende hoeren arffgenamen dat se hefft vekoft upghedragen ende overgegeven Jurgen
van Horssmer Katryne syn huesfrouwe ende hoeren arffgenamen een kamer achter ende voer mit alle hoer toebehoer slaende by der mueren
tusschen Botteringhe poerte ende Kyck int Jatt ande noerder sydt vander straeten up salighe Wolter Lussinghe arffgenamen grundt
daer Hille voerscr. opt oesten ende Harmen gortemaecker upt westen naest an geswettet sint vry ende quydt arfflicken ende
ewelicken tho bruecken besitten ende in alles hoeren vryen willen daermede tdoen ende vry arfflicken tho waren
Beholtlicken dat Jurgen ende Katryna voerscr. voer de pacht des grundes daer de voerscr. kamer up staet ( de welcke
tweendetwintich holt voeten lanck ende nyet langer wesen sall ) Jaerlicx den voerscr. arffgenamen van salighe Wolter soelen beta-
len sestyn onsen Stadt stuvers sodane Jaermalen lanck als de pachtbreeff daer aff synde ynholdt ende vermeldende is
to weten acht ende tsestich jaeren nae datum van desen aff tho rekenen daer Jurgen ende Katryne voergen. voer hem ende hoeren
arffgenamen voer loven to staen Hyr is tho gesproecken dat Jurgen ende Katryne voerscr. noch hoere arffgenamen gheen recht ofte
eghendom sullen hebben an den middel gevel tusschen den voerscr. kamer (soe Jurgen ende Katryne van Hille gekoft ende
Hillen ander kamer) staende soelen oeck ynden sulvijgen middelghevel neet moeghen anckeren breken noch baleken
voer ene summa gheldes de Hille voerscr. bekande dat hoer vull ende all is betaelt Sunder arghelist Dat oerkunde
wy myt onsen Stadt segel Ghegeven inden jaer onses heren dusent vyffhondert neghenende vyftich den veerder
dach July doe olde Johan Hoernken Johan Sickinghe Hinrick Ulger ende Johan Wyferinck Borghermesteren
weren unser Stadt.
Roeloffs nagelaten weduwe ende bekande voer hoer ende hoeren arffgenamen dat se hefft vekoft upghedragen ende overgegeven Jurgen
van Horssmer Katryne syn huesfrouwe ende hoeren arffgenamen een kamer achter ende voer mit alle hoer toebehoer slaende by der mueren
tusschen Botteringhe poerte ende Kyck int Jatt ande noerder sydt vander straeten up salighe Wolter Lussinghe arffgenamen grundt
daer Hille voerscr. opt oesten ende Harmen gortemaecker upt westen naest an geswettet sint vry ende quydt arfflicken ende
ewelicken tho bruecken besitten ende in alles hoeren vryen willen daermede tdoen ende vry arfflicken tho waren
Beholtlicken dat Jurgen ende Katryna voerscr. voer de pacht des grundes daer de voerscr. kamer up staet ( de welcke
tweendetwintich holt voeten lanck ende nyet langer wesen sall ) Jaerlicx den voerscr. arffgenamen van salighe Wolter soelen beta-
len sestyn onsen Stadt stuvers sodane Jaermalen lanck als de pachtbreeff daer aff synde ynholdt ende vermeldende is
to weten acht ende tsestich jaeren nae datum van desen aff tho rekenen daer Jurgen ende Katryne voergen. voer hem ende hoeren
arffgenamen voer loven to staen Hyr is tho gesproecken dat Jurgen ende Katryne voerscr. noch hoere arffgenamen gheen recht ofte
eghendom sullen hebben an den middel gevel tusschen den voerscr. kamer (soe Jurgen ende Katryne van Hille gekoft ende
Hillen ander kamer) staende soelen oeck ynden sulvijgen middelghevel neet moeghen anckeren breken noch baleken
voer ene summa gheldes de Hille voerscr. bekande dat hoer vull ende all is betaelt Sunder arghelist Dat oerkunde
wy myt onsen Stadt segel Ghegeven inden jaer onses heren dusent vyffhondert neghenende vyftich den veerder
dach July doe olde Johan Hoernken Johan Sickinghe Hinrick Ulger ende Johan Wyferinck Borghermesteren
weren unser Stadt.
x
| Archief | Groninger Archieven |
|---|---|
| Fonds | Arch. Armhuiszittengasthuis |
| Toegangsnummer | 1377 |
| Inventarisnr. | 0678 |
| Regestnr. | 388 |
| Register Feith | 1559.081 |
| Jaar | 1559 |
| Datumcode | 0407 |