Wy Borgermester unde Raedt in Groeninghen Betuegen mit desen openen breve dat voer uns sint
ghekomen Otto Westebrinck Fenne syn huesfrouwe Ende bekanden voer hem ende hoeren arffgenamen
Dat se hebben verkoft upgedragen ende overgegeven Johan Jansen Vreryck syn huesfrouw ende
hoeren arffgenamen Szodane twe kamers mit de grundt daer se up staen daer die breeff van
spreckt daar dese breeff dorch getoegen is vry ende quydt arfflicken ende ewelicken to bruken
ende besitten in aller formen ende manieren als deselve breeff daer van Inholt ende uutwyset
ende vry tho waren Des loven Otto ende Fenne voerscr. voer hem ende hoeren arffgenamen daer
voer to staan datter alle tydt een vrye uuthganck byde voergen. kameren sal blyven
voer ene Summe geldes de Otto ende Fenne voerscr. bekanden dat hem vull ende all is
betaelt Sunder argelist Dat Oerkhunde wy mit unsen stadt Sechell Ghegeven inden
jaar unses heren dusent vyffhundert dreendetsestich den vyftynden dach January
doe Johan Sickinghe, Gheerdt Hoornken, Albert Rolteman ende Johan Thedema
Borghemesteren waren unser stadt.

x

x

Archief	Groninger Archieven
Fonds	Arch. Armhuiszittengasthuis
Toegangsnummer	1377
Inventarisnr.	0712
Regestnr.	397
Register Feith	1548.022
Jaar	1563
Datumcode	1501

x

x

x

Materiaal	perkament