| Nummer:ahs405 | Datum:2 juni 1567 | Overlevering:Origineel | Vindplaats:Arch. Armhuiszittengasthuis, inv.nr. 0536, reg. 405 |
Wy Stadholder ende hooftmannen der stadt ende ommelanden van Groningen van wegen des Coenincks van Spangien etc. als hertouch van Brabant grave van Hollant end erffhere der stadt end ommelanden
vorscr. etc. doen kondt und Bekennen in end overmidts desen openen Breve dat voer ons synt gekoemen ytlicke Rentheners end schuldeners do Renten end schulden hadden uuth end over Harmen
Peters end Dewer syn echte huesfrouwen vyff grase landes gelegen in Winsummerhammerick toe Tyum in Claes Jacobsheert end bekroenden sich woe de vorscr. landen voer de Renten end
schulden bleven lyggen Alsoe dat se hoere Renten end schulden daar uuth neet manen noch bekoemen en kunden end weren van uns rechts begerende Soe hebben wy der voerger. landen aldaer ter
plaetsen by den pastoer end oeck alhyr binnen der stadt Groningen by den stadt deenren tot dren sonnendage toe over de kercken laten kundygen wee daer Renten ende schulden over hedden dat die
selvygen bynnen sekeren dach tyt end plaets de mede gekundyget wurde by onsen Secretarie solden koemen end laten horen Renten na Inholt der breven myt oeck hore schulden teyckenen de des
neet en dede daer wolden wy namaels ghene beclachte meer van hoeren Soe synt gekoemen ytlicke Rentheners end schuldeners end hebben hoera renten ende schulden na uuthwysonge des Secretarys
Register end beschryvonge laten anteickenen derhalven synen de vorscr. landen opgelt gesat und ys voer ytlick vorscr. gras landes vier en viertich embder gulden geboeden toe gheven dat oeck tot
dren sondagen toe aldaer ter plaetsen by den pastoer end oeck alhyr binnen der stadt Groningen by den Stadt dienren over de kercken gekundyget ys ofte daer emants were de daer meer voer gheven
wolde de solde by uns up sekeren angestemden dach tyt und plaets de mede gekundyget wurde koemen wy wolden de vorscr. vyff grace landes by der barnder keersen upslaen end verkoepen
und den koeper myt genoechsame Zegele ende Breve daer inne bevestygen Soe synt gekoemen de vogeden van der armen huessitten end heben by der barnder keersen uuth ganck
voer ytlick vorscr. gras landes dre en vyfftich embder gulden geboeden toe gheven end wolden daer mede van alle Renten end lasten gevryet wesen want dan de selff de geloeffde penningen
vull end all in unsen handen synnen betaelt end synnen voert in handen der vorscr. angetekender Rentheners end schuldeners daer des na rechte behoerde uuth gericht end overgelevert
derhalven wyssen end bevestygen wy den vorscr. vogeden van der armen huessitten tot proffyt der armen huessitten ende hoer nakomelingen Inden eygendoem der vorscr. vyff grase
landes vry end quydt ewelicken to gebruecken to besitten end alle horen vryen willen daer mede to doen end sullen hyr mede van alle achter stallinge renten Rentebreven end schulden
unbelast wesen end blyven Sonder alle argelist In oerkonde der waerheit Soe hebben wy Stadtholder end hooftmannen upgemelt unsen ampts Segell wittelicken beneden an
dessen brieff gehangen Inden jare unses heren dusent vyffhondert Soven ende tsestich up den Tweeden dach Juny.
vorscr. etc. doen kondt und Bekennen in end overmidts desen openen Breve dat voer ons synt gekoemen ytlicke Rentheners end schuldeners do Renten end schulden hadden uuth end over Harmen
Peters end Dewer syn echte huesfrouwen vyff grase landes gelegen in Winsummerhammerick toe Tyum in Claes Jacobsheert end bekroenden sich woe de vorscr. landen voer de Renten end
schulden bleven lyggen Alsoe dat se hoere Renten end schulden daar uuth neet manen noch bekoemen en kunden end weren van uns rechts begerende Soe hebben wy der voerger. landen aldaer ter
plaetsen by den pastoer end oeck alhyr binnen der stadt Groningen by den stadt deenren tot dren sonnendage toe over de kercken laten kundygen wee daer Renten ende schulden over hedden dat die
selvygen bynnen sekeren dach tyt end plaets de mede gekundyget wurde by onsen Secretarie solden koemen end laten horen Renten na Inholt der breven myt oeck hore schulden teyckenen de des
neet en dede daer wolden wy namaels ghene beclachte meer van hoeren Soe synt gekoemen ytlicke Rentheners end schuldeners end hebben hoera renten ende schulden na uuthwysonge des Secretarys
Register end beschryvonge laten anteickenen derhalven synen de vorscr. landen opgelt gesat und ys voer ytlick vorscr. gras landes vier en viertich embder gulden geboeden toe gheven dat oeck tot
dren sondagen toe aldaer ter plaetsen by den pastoer end oeck alhyr binnen der stadt Groningen by den Stadt dienren over de kercken gekundyget ys ofte daer emants were de daer meer voer gheven
wolde de solde by uns up sekeren angestemden dach tyt und plaets de mede gekundyget wurde koemen wy wolden de vorscr. vyff grace landes by der barnder keersen upslaen end verkoepen
und den koeper myt genoechsame Zegele ende Breve daer inne bevestygen Soe synt gekoemen de vogeden van der armen huessitten end heben by der barnder keersen uuth ganck
voer ytlick vorscr. gras landes dre en vyfftich embder gulden geboeden toe gheven end wolden daer mede van alle Renten end lasten gevryet wesen want dan de selff de geloeffde penningen
vull end all in unsen handen synnen betaelt end synnen voert in handen der vorscr. angetekender Rentheners end schuldeners daer des na rechte behoerde uuth gericht end overgelevert
derhalven wyssen end bevestygen wy den vorscr. vogeden van der armen huessitten tot proffyt der armen huessitten ende hoer nakomelingen Inden eygendoem der vorscr. vyff grase
landes vry end quydt ewelicken to gebruecken to besitten end alle horen vryen willen daer mede to doen end sullen hyr mede van alle achter stallinge renten Rentebreven end schulden
unbelast wesen end blyven Sonder alle argelist In oerkonde der waerheit Soe hebben wy Stadtholder end hooftmannen upgemelt unsen ampts Segell wittelicken beneden an
dessen brieff gehangen Inden jare unses heren dusent vyffhondert Soven ende tsestich up den Tweeden dach Juny.
x
| Archief | Groninger Archieven |
|---|---|
| Fonds | Arch. Armhuiszittengasthuis |
| Toegangsnummer | 1377 |
| Inventarisnr. | 0536 |
| Regestnr. | 405 |
| Register Feith | 1567.054 |
| Jaar | 1567 |
| Datumcode | 0206 |