Wy Borghermesteren ende Raedt in Groeninghen Betugen mit desen openen breve dat voer ons sint gekoemen de
procuratoren inder tyt vanden armhuessitten binnen unser stadt Ende bekanden vann wegen der armen voerscr. voer hem
ende hoeren naecoemenden procuratoeren dat se (doch by onse weten wille ende consente) hebben vercoft upgedragen ende
overghegeven Mester Gerryt Jacobsoen van Dort twalff keysers gulden jaerlicker lyffrenten tot twintich stuver
brabants als nu gangber sint ofte payment datter guet voer is elcken gulden gerekent tho betaelen jaerlix de
ene helfte tho weten ses keysers gulden up paesschen ende de ander helfte up Michaelis ofte mit allen Rechten geest
lich ende wartlich inthomanen ende tho boeren uuth alle ende idere der armen voerscr. landen huesen voert andere guederen van allen ghene uuthbesundert woe ende waer de oeck gelegen moegen syn vry ende quijt mester Gerrit
voerscr. leventlanck ende neet langher daer uuth tho leveren ende tho waeren voer ene summa geldes de die voegeden
voerscr. bekanden dat hem tot behoeff ende profyt der armen voerscr. vull ende all is betaelt Sunder arghelist dat
Oerkhunde wij mit unser stadt Seghell Ghegeven inden jaeren unses heren dusent vyffhundert Tweendetsoeven-
tich den soeventijnden dach octobris doe Albert Rolteman Joachim Ubbena Derck Schaffer ende Johan Clandt
Borghermesteren weren unser stadt.

x

x

Archief	Groninger Archieven
Fonds	Arch. Armhuiszittengasthuis
Toegangsnummer	1377
Inventarisnr.	0840
Regestnr.	422
Register Feith	1572.095
Jaar	1572
Datumcode	1710

x

x

x

Materiaal	perkament